قصة كمال و هناء الجزء 5
قصة كمال و هناء
الجزء 5
الجزء 5
هناء:انا عييت عييييت و مليييت.
كمال:ما تقوليش هاد الهضرة هناء تيقي ف الله وفيا.
هناء:كمال علاش كادير معيا هاد شي كامل ونتا تعرفتي عليا غير البارح وغامرتي معيا؟
كمال:هاد شي لي درت قلت ليك بلي اي واحد فبلاصتي غادي يديرو.
هناء:لا كمال ماشي اي واحد كايدير بحالك.
والله انا كنشوف غير شفار بالنهار كيشفر فشي بنت وكيشوفو فيه وحتى واحد ماكيقدر يهضر.
كمال:انا ما نقدرش نسمح فشي واحد محتاج المساعدة.
هناء:حيت انت ولد الناس وخا حاجة وحدة فيك خايبة وكتعصبني.
كمال:شنو هاد الحاجة؟
هناء:كتعصب عليا وكتقولي شنيولة.
كمال:انا غير معصب داك شي علاش وحتى نتي كاتفقصيني ماكتسمعيش راسك قاصح كاتبغي ديري لي قالك راسك الشنيولة ههه
هناء:ها هو تاني عاود قالي شنيولة و الله ما كتحشم.
كمال:غير كنضحك معاك يالاه ندخلو بانت ليا الشتاء غادي تبدا طيح.
هناء:فيا جووع كمال ما جبنا معنا والوو.
كمال:انا نمشي نهبط الواحد الفيلاج قريب لينا نجيب داك شي لي خاصنا و نجي تمشي معيا؟
هناء:غير سير حتى تجي انا نرتاح نعس شوية حتى تجي ياك قريب ما غاديش تعطل؟
كمال:واخا نعسي هناء رتاحي سدي عليك الباب حتى نجي وما تحلي على حتا واحد تانجي اوكي.
هناء:صافي كمال غير ما تعطلش عفاك راه والله حتى فيا الجوع وحشمت نقوليك بغيت واحد الحاجة.
كمال:شنوو بغيتي هناء غير قولي؟
كمال:لا حشمت منك و خفتك تفهمني غلاط !!
كمال:وا غير قولي مالك اتسطيني صافي قولي شنوو ؟؟
هنا:بغيت نكمي.
كمال:شنوو قلتي بغيتي الgارو !!
هناء:اه كنكمي تبليت بيه ملي دخلت نخدم فالبار،وما قديتش نقطعو و الله غير عدرني.
كمال:قلتي فيك الجوع نجيب ليك ما تاكلي ولكن تكمي سمحي ليا لا ما نخليكش تهلكي صحتك ماحدك معيا اوكي وا سيري تنعسي دابا حتى نجي الله يعفو عليك.
مشا كمال سد الباب وخرج هز طموبيل ومشا يجيب ما ياكلو.
و هناء طلع ليها الدم وشوية بدات تفكر.(كمال راجل و الله وخايف عليا عمري حسيت انا بشي واحد خايف عليا وعلى صحتي بحال كمال وخا حاس براسو )
كمال مشا خرج يجيب شي حاجة ياكلوها ويرجع وتاصل بختوو باش يسول عليها واش وصلات بخير ولقا التيليفون ديالها أوكيبي.
وصل الفيلاج وتقدا داك شي لي خاصهم ورجع ديك الساعة دخل وحط الطموبيل داخل الصور وسد الباب ومشى دق الباب ديال البيت فين كاينة هناء وحتى واحد ما كايجاوب!!
حل الباب ودخل ما لقا حتى واحد هناء ما كينااش فالبيت !!!
كمال تخلع وطاحو ليه الميكات لي كان هاز فيدو و خرج كايجري وكيغوت ؛ هنااااااااء..هنااااااااااء فينك ؟؟؟؟
و بدا كيقوول عنداك يكوون وصل ليها داك ولد الحراام !!
والله ما نتزاgل معااه ايلا قاس شعرة وحدة من هناء.
والمسخووطة ديال هناء كتسمع فيه شنوو كيقوول حيت هيا غير كانت مخزونة عليه بغات تخلعو شوية وتشووف ردت الفعل ديالوو و هيا طل عليه من السطح ديال الدار وقالت ليه.
هناء:كمال مالك كتغوت بحال شي حمق ياك ما خرج ليك العقل انا غير هنا ههههه.
كمال تعصب ومشى طلع من الدروج لعندها شدها من يدها و بدا كيغوت عليها و كايخاصم وقالت ليه.
هناء:طلق مني راك وعتيني فيدي انا غير ضحكت معاك ندمتيني.
كمال:واش بغيتي تخرجي ليا عقلي نتي ولا شنوو،انا خفت عليك يكون وصل ليك داك المجرم ونتي مخزونة ليا هنا.
طلق منها كمال وهبط لبيت وكيفكر وطالع ليه الدم من هاد الحالة وهاد شي لي كادير ليه هناء،تبعاتو هناء ودخلات قالت ليه.
هناء:كمال سمح ليا بغيت غير نضحك معاك والله.
كمال ساكت ما كيهضرش معاها وخرجات وهي تسمع كمال قاليها.
كمال:هناء اجي خودي كولي ليك شي حاجة راه جبت ليك ما تاكلي راه داك شي فالميكات.
هناء:ما بقاش فيا جووع.
خرج كمال عند هناء وقال ليها انا والله ما عارف كيف ندير نتعامل معاك طبعك فشكل اشنيولة.
هناء بدات كضحك وقالت ليه.
هناء:بعد مني راه سمعت شنو قلتي ملي كنت مخزونة عليك.
كمال:شنو سمعتي؟
هناء:شفت اسي كمال بلي انت خايف عليا بزااف
وسمعت بلي انت اسي كمال ماغاديش تفاك مع داك المجرم ايلا قاس شعرة مني هههه
كمال:صافي سكتيني عفاك راه خلعتيني والله الشنيولة خرجتي ليا نتي من الجنب.
هناء:زيد زيد المسخووط راه فينا جووع بجوج انا وياك اجي نشركو الطعام ونعلو الشيطان.
مشا كمال و هناء هزو الميكات وبركو الارض فالبيت و بداو ياكلو و كمال ساهي وقالت ليه.
هناء:سبحان الله و سي كمال فين سهيتي رجوع الله.
كمال:انا معاك غير كنفكر في ختي كنت كنصوني عليها وتيليفون ديالها أوكيبي خفت تكون طرات ليها شي حاجة !!
هناء:ما تخافش ختك ما عندو ما يدير بيها هو بغاني غير انا ولكن ما غاديش يطيح عليا هنا هاد البلاصة بحال افغنستان ههههه
كمال: والله حتى سعداتك عندك مزال الوقت فين ضحكي.
هناء:انا واخا كنضحك قلبي عامر من الداخل و قالك لي كيضحك بزاف عرفوو حزين بزااف و قلبوو عامر بالاحزان غير الله لي عالم بيه.
كمال:انا حاس بيك و عارفك باش كاتحسي.
هناء:انت ما عارف والوو كمال واش انت عرفتيني غير البارح و كتقولي حاس بيا !!
كمال:كاين ا هناء لي تعرفيه ايام و سنين و مايحسش بيك.
هناء:اه بصح كمال هادي متافقة معاك فيها مهم نسى عليك هاد الشي و خلينا ناكلوو راه طاح عليا ضايم و غادي نبكي ليك هنا واش جا ما يسكتني ليك هههه.
كمال:لا لا صافي غير سكتي و كولي انا ما قاد على دموع هناء ههه
هناء: الحمد لله غير ملي قلتي هناء وما قلتيش شنيولة ههه
كالو و شربو ضحكوو شوية وكمال و هناء بداو كايولفوو على بعضياتهم.
وصل الليل و طاحت الضلمة و هناء بغات تشعل الضو و ما لقاتووش و قالت.
هناء:كمال واش ضو ما كايينش هنا ؟
كمال:كاين غير الشمع راه فداك الماريو هههه
هناء:والله ما كدبت ملي قلت ليك حنا في افغنستان لا ضوو لا تلفازة ايخخخخ على عيشة
شوية كمال كيسمع حس شي طموبيل جاية جيهت الدار و قال.
كمال:هناء سكتي بلا ما تشعلي لا شمعة لا والوو كنسمع حس البراني جاي !!
هناء:راه الظلمة طاحة واش انبقاو فالظلام ؟
كمال:سوكتي و هنينا راه شي واحد جاي و ختي بحدها لي عارفني هنا ،حتى واحد اخر ما عارف هاد الدار من غيرها.
هناء:كمال انا مخلوعة خلعتيني بهاد الهضرة.
كمال:صافي الضحك و الزعامة و تخراج العينين فيا مشا داك شي.
هناء:صافي خليني عليك عفاك ما تزيدش عليا لي فيا يكفيني.
كمال:سكتي هناء اجي نطلعوو لسطح ونشوفوو شكون لي جاي.
كمال جر هناء من يدها وطلعو السطح ومضوي الدروج بضو ديال التيليفون ديالو حتى وصلوو و طفاه و كايطل من الفوق بانت ليه واحد الطموبيل كحلة و زاج دالها كحل شويا ضو ديال الطموبيل طفى و كمال كيتسنى شكوون يهبط شي 15 دقيقة و هناء مخلوعة و كمال ما عرف شنو غادي يدير كايساين شكوون غادي يهبط من الطموبيل المشبووهة !!
هناء:كمال شكوون جا ؟
كمال: هناء باقي حتى واحد ما هبط ما دق الباب دي ال الصوور، هاد شي انا خالعني ما عاجبنيش هاد شي غير الله يستر.
هناء:كمال قلت ليك نعلموو البوليس ما كتسمعش ها هما دابا لقاوني و لقاوك حتى انت !!
كمال:سكتي سكتي هناء شي واحد حل الباب ؟؟
هناء:شكوون !!
كمال:نوضي هناء نهربوو راه 2 رجال ملتمين وهازين السيوفا فيديهم بحال هداك لي ضربتي،عرفوونا فين كاينين والاد الحرام نووضي نهربوو من هنا.
هناء:اويلي على نهربوو منين بغيتي نهربو،ايلا هبطنا من الدروج غادي يلقاونا التحت!
كمال:اجي راه كاين واحد السلوم ديال الحديد ورا الدار غادي نهبطوو منوو.
دوك الجوج هبطو من الطموبيل واحد فيهم قال.
المجرم 1:راه هادي هيا البلاصة فين قالت لينا كريمة خت داك خونا هادا هو النعت لي عطاتنا.
المجرم 2:اه هنا فين قالت لينا العصا ومادير
نقزو الصور ودخلو واحد فيهم شاعل البيل وقال لصاحبو.
مجرم1:احمد راه واحد الطموبيل باينة ديالهم.
بداو كيقلبوو على كمال وهناء دخلو البيت لي كانو فيه ما لقاو حتى واحد وقال احمد لصاحبو.
احمد:مختار غادي يكونو شافونا وهربوو من شي بلاصة.
مختار:اجي تبعني نشوفوو الفوق ماعندهم فين يهربوو.
مشاو بجوج طلعو مع الدروج،وصلو لسطح بداو كيقلبوو،وتقوول واش لقاو شي واحد حيت هناء وكمال هبطو من داك السلوم ديال الحديد لي ورا الدار وهربو.
هناء وكمال فديك الساعة دخلو وسط الغابة كانت الظلمة والبرد وهناء قالت.
هناء:كمال انا عييت ما نقدرش مازال نجري والله وجاني العطش بغيت نشرب.
كمال:هناء غير صبري شوية،هاد الليلة غير الله يخرج عاقبتها على خير وصافي،غادي غير نبعدوو شوية و نرتاحو.
هناء:عيييت..عيييت ، واش ماكتفهمش!
واش غادي يكونو زعمة ورانا؟
كمال:صافي زيدي و سوكتي،شوفي عرفتي أ هناء انا هاد شي راه ما بقيت فاهم فيه والوو،هاد شي ما داخلش ليا لراسي واخا تكوني نتي ماعرفت شنو درتي مايتبعووكش هاد المجرمين وباغين يقتلووك غير هكاك لعجب.
هناء:كنحس براسي بحال كنحلم والله.
نرجعوو عند مختار واحمد نوصفهم ليكم مختار طويل ولابس كويرة كحلة ومغطي وجهو عينيه لي كيبانو و احمد قصير وعامر شوية لابس جاكيطة كحلة ومغطي حتى هو وجهو غير عينيه لي باينين.
كل واحد فيهم كيقلب فجيها حتى لقا مختار داك السلوم ديال الحديد لي ورا الدار منين هربات هناء وكمال وقال لصاحبو احمد.
مختار:احمد اجي لهنا تشوف على زهر عندهم هربو من هنا تفو.
احمد:باش عرفتيهم هربو من هنا!
مختار: ما بان ليك والوو ؟ انا غادي نبقا غير نعلم فيك يا المكلخ!
احمد: ما بان ليا والو!؟
مختار:السلوم شحال هادا ما هبط منو شي واحد، مغبر بزاف وهما هبطو منو وخلاو البصمات ديالهم عليه
يتبع...
ليست هناك تعليقات