قصة كمال و هناء - الجزء 8
قصة كمال و هناء
الجزء 8
الجزء 8
احمد هز سفيان هو و مختار تعاونو عليه حيت احمد ما قدش بوحدو يهزو يديرو فالكوفر و طلعو الطموبيل و داوه باش يلوحوها فواحد الواد بالليل.
في الجهة الاخرى حمزة وصل الدار و معاه كمال صاحبو و هناء و حمزة فرحان بيهم حيت كمال صاحبو من الصغر وهو عزيز عليه بزااف.
دخلو الدار وجد ليهم حمزة واحد الاكلة خفيفة يعديو بيها حيت مشا الوقت ومكانش عارفهم جايين مهم كالوو و شربو و حمزة قال.
حمزة:بصحتكم خوتي انا دابا غادي نخليكم خودو راحتكم حتى الصباح و نهضرو حيت بنتو ليا مهلوكين بالنعاس ههه.
هناء:والله اخويا حمزة انا سالييت مشيت نطيح غير بنعاس والعيا.
حمزة:ههه صافي رتاحوو ليكم دار داركم.
كمال:خويا حمزة عارفين لي كاين بلا ما توصيني ربي يخليك.
حمزة:يالاه انا غادي دابا نطلع نعس الفووق تصبحو على خير.
هناء:تصبح على خير خويا حمزة.
طلع حمزة السطح حيت عندو بيت كينعس فيه و حاط فيه السلعة ديالوو ملي كايبغي شي واحد شي حاجة كايصوني عليه العربي و لا سعيد يلووح ليه السلعة لي بغى من واحد النافدة صغيرة فالسطح(نسيت ما قلت ليكم بلي حمزة بزناز كايبيع المخدرات و سعيد و العربي خدامين معاه و حمزة عازب ف ﻷربعينات من العمر وغليض و عندو موسطاش ولكن مع صحابوو راجل مايتخلاش عليهم).
طلع حمزة بحالو وخلا كمال وهناء كيهضرو.
كمال:نوضي اديك شنيولة تنعسي راه عييتي كنتي ناعسة فطاكسي وكتحلمي بيا هههه
هناء:انا حلمت بيك انت كداب.
كمال: والله حتى كنتي كتهضري و كتقولي:كمال..كمال..ماتخلاش عليا .
هناء:وايلي هههه زوينة هادي تاني وليت نحلم بيك ونهضر معاك فالحلم هههههه.
كمال:هناء انا ماغاديش نسمح فيك حتى يبعدوو منك هاد المجريمين.
هناء:كمال واش ما ندمتيش حيت عرفتيني داك نهار ملي عتقتيني ؟
كمال:انا فرحان ملي تعرفت عليك.
هناء:زيد كمل،وشنو اخر ؟
شنيولة صافي اش غادي نزيد مزال نقول،اجي نتي ما بقاش فيك نعاس ولا شنو سيري تنعسي خليني نعس.
هناء:ها هيا نايضة تنعس اوف منك(ناري على راجل كيداير).
هناء مشات تنعس فالبيت الاخر وكمال بدا كيضحك وقال مع راسو(هاد هناء علام معرفت شنو بغات تسمع مني مزال ههه).
ملي طلع حمزة لسطح سمع العربي وسعيد كيهضرو وضحكهم واصل حتى لعندو وطل على العربي وقال ليه.
حمزة:العربي سعيد! تبارك الله عليكم،حلو عينيكم مزيان وردو بالكم الحمير.
العربي:سمح لينا اسي حمزة غير سعيد لي كان كيضحك عليا حيت الضربة لي ضربني صاحبك عيني تنفخات.
حمزة:انا لا سمعت حسكم غادي نهبط نفخ لمك ديك لعين لخرى.
العربي بقا ساكت حيت عرف حمزة لا تقلق كايولي واحد اخر ،دخل حمزة بحالو و العربي مشى حدا سعيد وقاليه.
العربي:شفتي شنو قال لينا اصاحبي صافي خلينا هانيين.
سعيد:اه راه نسينا راسنا وعاطينها لضحك،خاصنا نردو البال حيت كاينة الحملة هاد اليام.
العربي:اه بصح حل عينيك مزيان.
وصل مختار واحمد لواحد الواد قريب دخلو بين شي شجيرات وهبطو من الطموبيل ومختار قال.
مختار:احمد زيد عاوني ندفعو هاد البرويطة لوحو بوها فالواد.
احمد:بلاتي نهز السيوفة خليتهم الداخل فطموبيل.
مختار:واش حماقيتي خلي داك شي تما راه حنا دابا فالمدينة وغادي نتفرشوو،رااه كل واحد فينا عندو موس قاضي الغراض.
احمد:هههه اه عندك الصح قاضي الغراض،ها الناتيجة فالكوفر ديال الطموبيل مول الطاكسي هههه
مختار حايد فران الامان ديال طموبيل ودفعوها حتى طاحت فالواد وبانت ليهم هبطات وسط الماء حتى مابقا كايبان فيها والوو.
مختار:شوف دابا خاصنا نمشيو لشي فندق نعسو حتى الصباح و نديرو شي خطة باش نلقاو دوك الجوج.
داك شي لي دارو مشاو خرجو لواحد الطريق شدو طاكسي وداهم لواحد الفندق يباتو فيه حتى الصباح
صبح الحال وهناء فاقت من نعاس خرجات من البيت لي كانت ناعسة فيه ولقات كمال مكاينش في بلاصتو !
هناء:هادا فين زاد؟
صراحة هاد المسخوط ديال كمال ولفتو بزاف،ناري أ هناء وليتي كاتبغي واقيلا غير الله يستر وصافي عامرني في حياتي حسيت بهاد شي.
حمزة:ختي صباح الخير نعستي مزيان ؟
هناء:صباح الخير سي حمزة,حمد لله صبحت بخير.اجي ما بانش ليك كمال ؟
حمزة:لا ماشفتووش فين غادي يكون زاد ؟
شوية كيسمعو التقرقيب فالكوزينة ومشاو يشفوو شنو كاين لقاو كمال كيوجد ليهم فالفطور.
حمزة:كمال انت هنا و حنا كنقالبو عليك ههه
كمال:بغيت نوجد ليكم الفطور مع هناء تعديت عليها بلاكل ديال الزنقة.
هناء:ربي يخليك كمال راك حادg مع راسك سعدات هاد المرا لي غادي تديك ههه
كمال:اه سعداتها بيا و سعداتي بيها ههه.
حمزة:ههههههه و سعداتي هاد الصباح غادي نفطر فطور واعر.
كمال:ما عندي ما يسالك حتى انت راك معمر التلاجة لقيت فيها كلشي لي خاصني هههه
حمزة:اه مرة مرة حتى انا كنخربق شي حاجة ولكن مانكونش بحالك العفريت ملي كنا صغار نتا عزيز عليك دخل الكوزينة.
هناء:انا ماكنعرف ندير والو.
حمزة:وايلي هناء.. والوو ..والوو ؟؟
هناء:كنعرف نصاوب غير أتاي والبيض وماطيشة ههه
حمزة:ايوى كلينا بكري هههه
كمال:شنيولة اجي هزي هاد شي لي صاوبت حطيه فوق الطبلة.
حمزة مشا جلس ف صالون كاتسنى باش يفطر ويخرج وهناء مشات تهز داك شي لي صوب كمال وشاف فيها وقال.
هناء:مالك مشعككة وعينيك مازال مسدودين هههه
هناء:ويلي ويلي على شوهة نسيت راسي بسبابك المسخوط هههه خرجت من البيت وبديت نقلب عليك حيت ما بنتيش ليا فين خليتك ناعس،انا نمشي نغسل وجهي ونمشط شعري نتقادو شويا هههه
كمال:صافي غير سيري انا ندي هاد شي حتى تسالي واجي تفطري غير سربي هاد شي غادي يبرد وانا منقدش نفطر بلا بيك.
حط كمال الفطور وتسناو شوية حتى جات هناء وفطرو وسالاو وجمعات هناء الطبلة و حمزة قال.
حمزة:كمال سير الله يعطيك الصحة هاد شي فين تعلمتيه ؟
كمال:خويا حمزة هاد شي تعلمتو غير من ختي توحشتها ،فكرتيني خاصني نتاصل بيها دابا.
هناء:الله يخليها ليك ياربي،اه عاود تاصل بيها تقدر تجاوبك دابا.
كمال ناض من بلاصتو وجبد تيليفون ديالو و تاصل بي ختو كريمة ووالوو ما كتجوبش الخط مقطوع.
كمال:حمزة انا حاس ختي واقعة ليها شي حاجة !!
حمزة:شنو غادي يوقع ليها تقدر تكون ناعسة الصباح هادا و طفاتو.
هناء:راه اخويا حمزة تاصل بيها قبل و ديما طافي.
كمال:خويا حمزة ما كاين ما نخبي عليك حنا راه واقعين في مشكيل كبير واحد العصابة تابعة هناء باغين يقتلوها.
عاود ليه كمال البلان كامل كيف داير من الاول حتى لاخر وقاليه حمزة.
حمزة:ولكن علاش باغين يقتلوو هناء؟ هاد شي انا جاني شويا غريب !!
هناء:حتى انا ماعرفتش علاش تابعيني وباغين يصفيوها ليا.
حمزة:مهم ماتخافووش دابا نتوما عندي وراكم في الامان معيا وحتى واحد ما غادي يوصل ليكم هنا.
كمال:ربي يخليك خويا حمزة داك شي لاش جيت عندك عارفك ما غاديش تسمح فينا وغادي تعاوني فهاد المشكيلة.
هناء:سمح ليا كمال انا لي حطيتك في هاد شي كامل.
حمزة:بلا ما طلبي منو السماح انا عارف كمال هاد المواقيف راه ديالو.
بقاو كيهضرو شوية وحمزة طلع الفوق جبد التيليفون تاصل بالعربي و قاليه
حمزة:العربي زيد معاك شي 2 رجال يكونو شداد يبقاو رادين معاكم البال.
العربي:سي حمزة ياك ما كاين باس !!
حمزة:دير داك شي لي قلت ليك وسكت فهمتي.
العربي:واخا سي حمزة سمح ليا،دابا غادي يكونو عندك.
حمزة هبط عند كمال و قاليه
حمزة:كمال غير كون هاني راه قلت لعربي يزيد معاه شي جوج رجال ولي بغا يقيسكم غادي نصفيها لمو ههههه
كمال:سمح لينا حمزة والله صدعناك معنا.
حمزة:هانيا خويا كمال راك صاحبي و خويا لي ماعنديش.
قرب كمال عند حمزة وعنقو وقاليه.
كمال:انا خوك و حتى نتا خويا و صاحبي و ديما غادي نبقاو خوت.
هناء:نتوما مالكم غادي نبدا نبكي ليكم هنا سكتونا.
كمال:ههههه لا لا مانقدرش نشوفك كاتبكي أشنيولة دموعك غاليين عليا راك عزيزة واخا هاكاك.
حمزة:هههه اش هاد الرومنسية تاني كمال وعاريتي وانا عارفك هاد شي ما كانش فيك ههههه
هناء:بصح اخويا حمزة شحال وانا معاه عمرو قال ليا هاد الهضرة حتى شافك و زعم هههه
كمال:هناء صافي من هاد النهار ما كاين غير رومنسية هههه
حمزة:شنو بان ليكم نخرجو نتغداو مجموعين فشي بلاصة ؟
هناء:لي عجبكم،شنو بان ليك كمال ؟
كمال:المعروضة من الخير اخويا حمزة.
حمزة:صافي مرحبا بيكم انا غادي نخرج و نجي نلقاكم واجدين باش مشيو.
خرج حمزة وهناء ناضت من بلاصتها و قاليها كمال.
كمال:فين غادة اديك شنيولة ؟
هناء:بديتي تاني ولا شنو !
فين مشات ديك الهضرة الزوينة ديال قبيلة ؟
ولا الزعامة كاتكون فيك غير قدام الناس !
كمال:ههههههه ضحكتيني والله راه غير كانبغي نضحك معاك.
هناء:ضحك مع راسك وبعد مني.
كمال:هناء اجي اش غادي نلبسو بعدا هاد الحوايج مكرفسين لي عندنا !
هناء:ويلي فكرتيني حوايجنا بقاو فالدار لي فالعروبية.
كمال:هناء غير صبري غادي نتغلبوو على هاد المحنة لي حنى فيها.
هناء:انا غير ملي نتا معيا عمري غادي نخاف أكمال وانشاء الله كولشي غادي يفوت وترجع لحياتك الطبيعية وغادي تنساني.
كمال:اه انشاء الله كولشي غادي يكون بخير ولكن نتي ماغديش نخليك تىجعي لحياتك الطبيعية حيت خدمة البار ماشي ديالك غير الظروف لي حطاتك فديك الخدمة و ماغاديش نساك وعمري نقدر نساك اشنيولة ههه
هناء:واخا كمال غادي نقلب على راسي ونبدا من جديد
كمال:انشاء الله ،هناء عفاك نوضي جيبي ليا شي كاس ديال الماء.
هناء:نوض جيبو انا خدامة عندك ولا شنوو زوينة هادي تاني.
كمال:ياك شكرا وانا لي صوبت ليك الفطور كان عاجبك الحال ياك ؟
هناء:بزز منك غادي تصاوب ليا الفطور ما حدي معاك.
كمال:واخا اشنيولة دابا دوقيه مزال عندي على بنت كيف دايرة.
هناء:ضحكتيني اسي كمال، مالي كيف جيتك زوينة والف واحد يتمناني.
كمال:انا نوض نجيب نشرب غير سكتي ما عرفت منين جاك الزين.
هناء:حسن منك انا انت لي حاس براسك و المشكلة كون غير كنتي زوين نصبرو الخايب لاخور.
حل حمزة الباب ودخل دخل و لقا هناء و كمال كيتناgرو وقال.
حمزة:واى توما مالكم كنسمع فيكم من الدروج !
هناء:والو اخويا حمزة غير هاد الخايب قالك بغاني نتسخر عليه انا نوض نجيب ليه كاس ديال الماء من الكوزينة وهو مسرح ليا رجليه فوق السداري وزاد كملها قالك انا خايبة ؟
حمزة:هناء واش مزال ما حفضتي كمال، راه غير شاد فيك باينة ههههه
هناء:او عايق عليا ها شنيولة ها الخايبة أو بزاااف.
كمال:هههه غير ما كين مايدار كنشد في هنا كتعجبني الهضرة ديالها ههه
حمزة:والمسخوط بعد من البنت راه غادي تبقى تاضربك بشي كاس ههعهه
هناء:داك شي علاش كايقلب هههه
حمزة:انا ندخل ندوش ونخرج باش نمشيو نتغداو راه 12:00 دابا.
دخل حمزة لدوش وبقات هناء جالسة وحادرة راسها وكتلعب في شعرها و كمال كايشووف فيها ومبتاسم وهو يقول ليها.
كمال:هناء بغيت نقوليك شي حاجة.
هناء: الله يرحم باك ايلا خليني عليك راه غادي تعصبني ونوض ندخل لداك البيت ونسد عليا.
كمال:هناء بغيت نقول ليك بلي نتي..نتي..!
هناء:كمال هضر ولا صافي سكت اوكي بارك تمتم عليا تما.
كمال:هناء نتي..نتي..كاتعجبيني !
هناء:شنو قلتي، عاود نسمع ؟
كمال:قلت ليك نتي كاتعجبيني واش صماكيتي ولا شنو ؟
هناء:كمال واش بصح انا كنعجبك؟
كمال:اه هناء من اول شوفة شفتك وسمعت صوتك دخلتي لي لقلبي وحسيت بواحد الاحساس ما عمري حسيت بيه من قبل والله.
هناء:كمال انا مانصلحش ليك.
كمال:علاش قلتي هكا ا هناء حشومة عليك.
هناء:انت كمال خاصك شي بنت الناس تكون بنت دارهم عندها واليديها ماشي بحالي مقطوعة من شجرة و ماعنديش عائلة و زيداها خدامة فالبار.
كمال:انا بغيتك نتي ماشي بغيت خدمتك ولا عائلتك ،هناء انا بغيت نكون عائلتك و مك وباك و خوك و كولشي فيا انا و عمري نخاسر ليك خاطرك.
هناء:هاد شي لي قلتي كامل زوين ولكن ديما غادي تبقا تشوف فيا ديك البنت لي خدامة فبار وكتكمي.
كمال:هناء كاين شي واحد في حياتك ياك داك شي علاش كتقولي ليا هاد الهضرة ؟
هناء:صراحة كمال اه كاين واحد.
كمال:شكوون واش داك صﻻح لي نتي خدامة معاه ؟
هناء:اه اكمال هو مصاحبين دابا 3 سنوات و غادي نتزوج بيه.
كمال:الله يكمل ليكم بالخير و سمحي ليا ختي هناء، انا دابا نوض ندوش حتى انا ها حمزة سمعتو خارج.
هناء:لا كمال هانيا ما طلبش مني سماحة راك عزيزة عليا بزاف الله لي عالم.
حمزة خرج من الدوش و لبس وجا عند هناء وقال.
حمزة:ختي هناء مال كمال بان ليا فشكل مقلق و حالتو تقولي غرقو ليه البابر ههه
هناء:عرفتي غادي نقولك واحد السر بيني و بينك !!
حمزة:شنوو هاد سر ا هناء ؟ ياك لاباس !!
هناء:واحد السر على كمال مسكين بقى فيا بزاف.
حمزة :هناء خلعتيني مال صاحبي كمال شنو عندو ؟؟
هناء:كمال مسكين مغروم ههههه
حمزة: وايلي ههههه كمال ما موالفاش ليه يطيح على نيفوو بهاد السهولة،بيمن مغروم؟
هناء:مغرووم بيا انا ههه
حمزة:انا عرفتو من اول مرة شفتكوم عرفتوو طابح فيك هههه وحتى نتي راكي طايحة فيه وكاتبغيه العفريتة.
هناء:باش عرفتيها؟
حمزة:باينة في عينيكم وشوفات ديالكم لبعضكم
ليست هناك تعليقات