قصة كمال و هناء الجزء 9
قصة كمال و هناء
الجزء 9
الجزء 9
هناء:رااك خطار اسي احمزة عقتي بينا ههه،عرفتي دابا علاش كمال بان ليك مقلق حيت صدمتو مسكين.
حمزة:شوية وصافي انا بنادم غير من الشوفات ديالو كنعرف اش كيضور ليه فراسو..علاش صدمتيه اختي هناء ؟
هناء:اش غادي نقوول ليك !
كمال حتى انا عاجبني بزاف ولكن انا مانصلحش ليه و قلت ليه بلي كانبغي واحد اخر باش ينسى عليه هاد الفكرة من راسو ونبقاو غير اصدقاء حسن.
حمزة:انا حاجة وحدة نقولها ليك كمال راه راجل و الله يعمرها دار عطي لراسك شوية ديال الوقت حتى تفكري عاد ديري ديك ساعة لي بانت ليك.
هناء:والله ما عرفت شنوو ندير وحتى انا كمال عاجبني واي بنت بحالي يدير معها شي واحد هاد شي لي دار كمال على قبلي غادي يعجبها حيت قليل مزال لي يضحي على قبل شي واحد.
حمزة:شوفي هناء بلا ماتبقاي تفكري بزاف خلي القدر يلعب الدور ديالو وصافي لاكنتو مكتابين لبعضياتكم حتى واحد ما غادي يفرقكم.
هناء:انا مزال اخويا مخربقة في حياتي وهادو لي تابعيني ما عرفت شنوو باغين مني و صدق دابا حتى كمال في خطر معيا..عفاك اخويا بلا ماتقول ل كمال هاد شي لي قلت ليك خلي كيما قلتي القدر يلعب دورو ونشوفو لا كنا مكتابين لبعضياتنا ولا لا.
حمزة:صافي ختي هناء ما تخافيش انا غادي نحميكم و حتى واحد ما غادي يوصل ليك نتي واحمد.
هناء:ربي يخليك اخويا حمزة.
خرج كمال من دوش ولابس حوايج ديالو لي كان لابس عاود رجعهم هما نيت حيت ما هاز معاه حتى حاجة صاك ديالو هو و هناء بقا فالدار لي فالعروبية و قاليه حمزة.
حمزة:كمال بصحتك التدويشة.
كمال:الله يعطيك الصحة خويا حمزة.
هناء:بصحتك كمال.
كمال:الله يعطيك صحة ختي هناء !!
هناء ما عجبتهاش هضرت كمال حيت اول مرة قاليها ختي كان ديما يقول ليها شنيولة ولا هناء وهاد المرة قال ليها ختي هناء حسات بلي كمال مقلق منها.
حمزة:كمال شفتك رجعتي نفس الحوايج لي كنتي لابس!
اه ماجبتو معكم حتى حاجة بارح.
مهم شوفو غادي نخرجو نمشيو لشي بوتيكة ديال الحوايج وخودو لي عجبكم.
هناء:انا معنديش باش نشري الحوايج فلوسي كاملين بقاو فالصاك.
حمزة:واش انا جبدت شي فلووس و لا قلت ليكم تخلصوو شي حاجة؟ كولشي على حسابي،يلاه هناء نوضي وحتى انت كمال نوض نخرجوو.
كمال:انا ما غادي فين غير خليوني هنا نرتاح ما راشقاش ليا على الخروج.
هناء:كمال صافي نووض غادي تخرج تمشي معنا هي غادي تنوض.
كمال:سكتي وبعدي مني نتي اوكي..خليني عليك ف تيقار .
هناء:ياك شكرا بزاف وسمح ليا لا تقلت عليك،انا غاديا نمشي بحالي ونخليك ترتاح مني و من صداعي.
حمزة:كمال فرشتيها اصاحبي.
كمال:دير لي بغات هي حرة فحياتها.
هناء ناضت وكتبكي وبغات تخرج وصلات حدا الباب و خرج حمزة من الصالون تبعها وقال.
حمزة:ختي هناء والله ما غادي نخاليك تخرجي راه كمال هاد الهضرة لي كايقوول ماعجبانيش راه ماشي ديالو غير ملي نتي قلتي ليه بلي عندك واحد في حياتك ورفضتيه هو.
هناء:شكرا خويا حمزة غير خليني نمشي،كمال عندو الصح انا عياقت عليه بزاف وعرضتو الخطر.
حمزة:شوفي سيري غسلي وجهك ودخلي لبيت حتى تبردي شويا عارفك دابا مقلقة من هضرت كمال ولكن راه غير كايهضر زعما ديك لعبة ديال فيه نفس.
حمزة جر هناء من يدها مخلاهاش تمشي ونعلت الشيطان ودخلت غسلات وجها ومشات لبيت،حمزة ديك ساعة دخل الصالون عند كمال وقال ليه.
حمزة:كمال زعما راك بعقلك اش هاد شي درتي راك عارف البنت ماعندها عند من تمشي ولا حتى شي واحد لي يحميها وهي كون عرفاتك ماشي تيقة وولد الناس كون مشات بحالها النهار الاول ماغاديش تبقا معاك تال دابا.
كمال:خويا حمزة انا كنبغي هناء وصارحتها قلت ليها كاتعجبيني ورفضاتني وقالت لي عندها واحد اخر فحياتها
حمزة:شوف كمال غادي تنوض دابا عند البنت وطلب منها السماحة وسمع كلامي انا كبر منك وراه ما غاديش تندم وتيق بيا.
كمال:نجيك صراحة خويا حمزة ندمت والله وحشمت مزال نشوف فوجه هناء،ماكنتش عارف شنو كانقول كنت معصب ومكانش عليا نقول ليها ديك الهضرة.
حمزة:عارفك كنتي معصب حيت ديك الهضرة ماشي ديالك ومخرجاتش من قلبك،وانوض دابا تصالح مع البنت خلينا نخرجو من هنا مشيو نتغداو راه فيا الجوع.
كمال:انا غادي نمشي عندها نطلب منها سماح.
كمال ناض من بلاصتو وحمزة كايشجع فيه باش يزعم حيت عارف شنوو دار المسخوط دارها قد راسو ههه
ولكن عدروه كانت صدمة قوية عليه ملي هناء قالت ليه عندها واحد اخر في حياتها.
كمال وصل حدا الباب ديال البيت وبقا واقق وبانت ليه هناء جالسة وحزينة،واخا كان واقف حدا الباب ماهزاتش راسها تشووف شكون كانت ساهية وكتفكر فهاد شي لي طرا ليها،شويا كمال نطق وقال.
كمال:مال شنيولة مقلقة عليا ولا شنو؟
هناء ما جوباتوش وبقات ساكتا.
كمال ملي هناء ماجوباتوش دخل وجلس حداها وقاليها.
كمال:هناء انا عارف راسي غالط وجيت نطلب منك السماح.
هناء:عادي انا ولفت على هاد شي ديما ناس العزاز على قلبي كايجي واحد النهار ويمشيو ويخليوني بوحدي،مادير في بالك والوو.
كمال:لا هناء انا ماغديش نخليك وهاد الهضرة لي قلت ليك قلتها حيت عصبتيني ملي قلتي ليا عندك واحد فحياتك وانا تعلقت بيك وصراحة وليت نبغيك،ماغاديش نتخايل راسي شي نهار بلا بيك.
هناء:يمكن يكون غير ولف ولا اعجاب انا منصلحش ليك.
كمال:لا انا عارف باش كنحس انا شفت فيك نهار الاول وحسيت بلي لقيت النصف الاخر ديالي وشريكت حياتي وانا باغيك كيفما كنتي وبلا ما تقولي ليا انا مانصلحش ليك.
هناء:كمال خليني بوحدي شويا عفاك بغيت نبقا بوحدي.
كمال:هناء واخا على راحتك سمحي ليا
خرج كمال من عند هناء ومشى عند حمزة وجلس وقاليه حمزة.
حمزة:اشنو درتي فين هيا هناء ؟
كمال:هضرت معها وخرجت،راسها قاصح الله يستر،وقالت ليا خليني بوحدي و صافي خرجت بحالي.
حمزة:كمال صافي غير خليها على راحتها انا غادي مشي نهضر معها راك عارف دريات كايبغيو لي يهضر معاهم زوين و يتعامل معاهم زوين.
كمال:صراحة ديك الهضرة لي قلت ليها ندمت عليها.
حمزة:صافي ما طرى والو انا غادي دابا عندها.
مشى حمزة عند هناء طلبها و حشمات منو هداها الله و ناضت خرجو من البيت و حمزة قال ل كمال نوض نخرجو راه مات بجوع، كمال شاف هناء خرجات وفرح من قلبو وناض من بلاصتو وخرجو سد حمزة الدار وقال لعربي رد البال مزيان وقول لدوك خوتنا لي معاك يحلو عينيهم مزيان ويردو البال لدار.
صافي طلع حمزة الطموبيل و حداه كمال و هناء ركبات اللور وغادين وساكتين شوية حمزة قال.
حمزة:واى خوتنا واش غادين تعازيو ولا شنو !!
فين هيا الهضرة والضحك ديالكم حشومة هاد شي لي كاديرو فيه.
كمال:لا خويا ما كاين والو غير ساكتين وصافي راس عامر اخويا والقلب مهموم.
هناء دورات وجها وكتشوف فالطريق ماقالت والو.
حمزة:هناء تسمعي شي أغنية ؟
هناء:لا خويا ماراشقاش ليا على ﻷغاني.
حمزة:انا غادي ندير ليكم شي اغنية على دوقي.
كمال:دير ديك الاغنية لي كنا كنسمعو انا وياك.
حمزة:اه راه مزال كنسمع ليها ديال" مال حبيبي مالو".
خدم حمزة الاغنية وهناء كتسمع حتى دار عندها كمال وقال ليها.
كمال:و مال حبيبي مالو قولو لي واش جرالو ؟
هناء:بعد مني ما مالي والو و ماجرالي والوو.
حمزة:ههههه كمال كتبقى ساكت المسخوط حتى كتقوول شي هضرة اما كتقتول بالضحك ولا كتقتل بالفقايس ههههه
كمال:صافي هناء والله ما جات معاك هاد التغوبيشة.
هناء:كمال صافي سكت بعد مني خليني عليك ماتزيدش تعصبني.
وصلو لواحد الريسطو و هبطو من الطموبيل و جلسو فواحد الطبلة وطلبو الاكل،كالو و شربو وحمزة بان ليه واحد صاحبو ناض عند قاليهم انا راجع نشوف هاد الراجل ونجي.
كمال:خود راحتك حتى تجي.
حمزة:انا حداكم شويا ونرجع.
مشى حمزة سلم على صاحبو وجلس معاه وكمال و هناء بقاو جالسين و طلب كمال كافي و هناء ماخدات والوو قالت ليه شبعت الحمد لله مابغيت والو.
كمال:هناء واش عاجباك هاد الحالة لي وصلنا ليها عفاك هناء رجعي كيف كنتي.
هناء:كمال انا جرحاتني هضرتك قبيلة وكنت بغيت نخرج نمشي بحالي وعمرك تشوف هاد الوجه.
كمال:هناء انا غلطت ولكن نتي سبابي.
هناء:كيفاش انا سبابك؟
كمال: هناء انا كنبغيك واش بغيتي نقولها ليك ب شلحة.
هناء:كمال قلت ليك انا مرتابطة ومنصلحش ليك انا غير نساني عليك خليني نبقا بحال ختك.
كمال:انا ماشي خوك ونتي ماشي ختي ،ختي وحدة لي عندي هيا كريمة.
هناء:صافي على راحتك قول لي بغيتي.
كمال طلع ليه الدم و ناض من بلاصتو و دنيا كانت عامرة بالناس وقال بصوت مرتافع.
كمال: هنااااااااء انااا كنبغييييك واش كتفهمي انااااا كانبغيييييك.
هناء:وبرك المسخووط برك شوهتيني قدام ناس.
جاي حمزة كيجري وعتادر لمول الريسطو وخلصو وجر كمال خرجو وهناء تبعاتهم.
حمزة:كمال واش خرج ليك العقل ولا شنوو ؟
كمال:انا مقادرش نصبر خويا حمزة انا كنبغي هناء.
هناء:كمال صافي انا تأكدت بلي انت .... !
كمال:هناء تأكدتي بلي شنوو؟ بلي كانبغيك!
هناء:تأكدت بلي طار ليك الفريااااخ.
حمزة:ههههههههه والله ما كدبتي.
كمال:ياك الشنيولة طار ليا الفريااخ ههه
هناء:اه كمال صافي تأكدت بلي بصح انت كاتبغيني وحتى انا راك عاجبني،وغير قلت ليك انا مرتابطة كدبت عليك!
كمال:علاش درتي بحال هاكا؟
حمزة:واصافي هي مكانتش متأكدة بلي انت كاتبغيها وجرباتك وعرفاتك باغيها بصح
حمزة:مهم انا غادي نخليكوم تهضرو وديرو عقلكم انا جاي.
كمال:واخا خويا حمزة خود راحتك.
هناء:اش درتي المسخوط غير قوليا واش انت بعقلك ولا تسطيتي؟
كمال:نتي لي سطيتيني حتى نسيت داك شي لي وقع لينا هاد الايام الشنيولة ديالي.
هناء:كمال خاصني نديك عند الطبيب بنتي ليا شويا لاباس واش اعيباد الله الراجل كان جالس ماعليه ما بيه حتى ناض كايغوت وسط ريسطو.
كمال:باش تعلمي تكدبي عليا وتقولي ليا بلي نتي مرتابطة.
هناء:كمال انا صراحة كنت قلت ليك هاكاك باش نخليك تنسى ديك الفكرة ساعة انت برهنتي ليا بلي كاتبغيني.
كمال:هناء لا ماكنبغيكش.
هناء:كيفاش ؟؟
كمال:كيف سمعتي.
هناء:كمال والله حتى تسطيتي وليتي تخرج و دخل ف الهضرة.
كمال:هناء انا ماكنبغيكش انا راه كنموت عليك الشنيولة هههه
هناء:الله يمسخك المسخووط.
ملي كان كمال و هناء كيهضرو قدام الريسطو كان مختار واحمد خارجين من الفندق وبغاو يشدو طاكسي وقفو في جنب الطريق واحمد قال.
احمد:مختار شبعنا نعاس مزيان دابا اراك الخطة و البلان لي ندير باش نعرفوو دوك جوج فين مخبين.
مختار:اه احمد دابا رتاحينا كنحس براسي باغي غير نشد شي واحد فيهم ندوز عليه الجنوي.
احمد:مختار بنتي ليا معصب وانا كنعرفك ملي كتعصب ما كيبقا يبان ليك والوو.
مختار:اه معصب و بزاف حيت شاف تاصل بيا ملي كنتي ناعس بدا كيغوت عليا و قالي بلي هاد شي ما عاجبووش،بنت وولد دارو لينا هاد الحالة وراجل لي بغا البنت تموت ولا داير ليه الطيارة.
احمد:اه خاصنا الليلة نقتلوهم ونتهناو منهم.
مختار:راه واحد الطاكسي خاوي واقفوو سربي.
احمد وقف الطاكسي وطلعو غادين لديك البلاصة لي وراهم سفيان وصلو ليها وهبطو من الطاكسي وقال مختار.
مختار:هادي هيا البلاصة لي قالينا داك مول الطاكسي ياك ؟
احمد:اه هادي هيا البلاصة
مختار:تبعني خاصنا نسولو شي واحد هنا يمكن يكون شافهم فين دخلوو.
احمد:هما وصلوو بالليل و الوقت كان متأخر يعني صعيب شي واحد يشوفهم فين زادوو.
مختار:شوف احمد شفتي دوك جوج لي واقفين تما(العربي و سعيد) ودوك جوج لوخرين لي وتقفين تاني تما حدا ديك الدار(دار حمزة 2 رجال لي جاب العربي).
احمد:مالهم أ مختار؟
مختار:انا حاس بلي كاينة شي حاجة غريبة هنا و غادي نعرف شنو هيا غير اجي تبعني و سكت.
مختار مشى عند العربي و قاليه.
مختار:سلام خويا لاباس عليك.
العربي:لاباس شنو كاين كتسول على شي واحد هنا؟
مختار:اخويا انا و صاحبي ماشي من هنا وبغينا شي واحد كيبيع الحشيش هنا نتقداو من عندو !!
العربي:اه كاين واحد خونا شحال بغيتو ؟
مختار:بغينا غير واحد 200 درهم.
العربي:ارا جبد الفلووس نجيب ليك.
مختار:شكرا خويا هاك 300 درهم خود الباقي تستاهل.
العربي فرح وعجبو الحال ضبرعلى 100درهم باردة.
العربي كانت عندو شويا ديال السلعة خازنها فالبيت لي كاري هو وسعيد قبل ما يمشي جر سعيدو هضر معاه قالوو حل عينيك مزيان انا جاي.
سعيد:كووني اصاحبي سير حتى تجي.
مشى العربي ومختار قال.
مختار:خويا ياك ما غاديش يتعطل.
سعيد:لا لا دابا غادي يجي غير صبرو شوية.
مختار:خويا انا خفت غير على قبل البوليس يصدقو واقفين علينا.
سعيد:لا ماتخافش اصاحبي سي حمزة شاري سيكتور حتى واحد ماكيدخل هنا.
مختار:اه مزيان دابا بلا ما نتشوش حتى وكان يجي،ناري بانت لي فصاحبك واحد الضربة خايبة فوجهو.
سعيد:اه هاديك البارح بالليل ضارب مع واحد خونا جا عند سي حمزة صاحبو.
مختار شاف في احمد وغمزو وعاود كمل الهضرة ديالوو مع سعيد.
مختار:اناكايبان لي ناضي وماضي كيفاش حتى جاتو ديك الضربة فوجهو لعجب،ياك ما كانو بزاف تحماو عليه؟
سعيد:ههه لا غير واحد وعندو زهر وصافي.
مختار:اه كون كنت في بلاصتو كون دوزت عليه.
سعيد:ايوى راه غير على وجه سي حمزة كان ناعس وفيقناه من النعاس ملي سمع الصداع وهبط ولقيناهم ضياف ديالو اما كون دابا داك خونا مات هو وديك البنت لي معاه.
مختار سمع البنت وعرف بلي كمال وهناء هما لي غادي يكونو دخلو الدرب فالليل ودراري ديال سي حمزة معرفوهمش شكون هما و ضاربو مع كمال، شويا العربي جاي فالطريق وجايب معاه السلعة عطها ليه شدها مختار وشمها وقاليه.
مختار:شكرا خويا باينة سليعة زوينة غير من ريحتها.
العربي:واش حنا كنلعبو هنا غير ردو بالكم من البوليس وصافي.
مختار و احمد خداو الحشيش وخرجو من داك الدرب وقال لاحمد.
مختار:هاد الشي غادي لوحو ماعدي ماندير بيه وداك شي علاش كنا كنقالبو عرفناه البنت وخونا راهم عند البزناز حمزة والمشكيل هما ربعة ديال الرجال خاصنة نديرو شي خطة باش ندخلو الدار و نقتلو ديك المسخوطة في اقرب الاجل.
احمد:عرفتي انت خطير داك خونا جبدتي ليه لسانو غير بالفن ههه
مختار:الزمان و الايام كتخليك تعلم وتولي تعرف كل واحد كيفاش تعامل معاه وتخليه يتيق فيك بلا مايشك فيك.
نرجعو عند الشنيولة وكمال لي بقى كيهضر مع هناء وشد ليها فيدها وكيشوف ليها في عينيها و قال ليها.
كمال:هناء ملي كتكوني مقلقة كتكوني خايبة.
هناء:ياك كنكون خايبة،ونتا كيف كتكون ؟
كمال:انا كيف ما كنت ديما خايب.
هناء:شكون لي قالك انت خايب ؟
كمال:انتي لي قلتي ليا راك خايب وحاس بي راسك مالك نسيتي؟
هناء:هههه غير كنت كنضحك معاك،ملي عصبتيني قلت ليك انت خايب ههه.
كمال:وشنو دابا انا خايب اشنيولة ؟
هناء:لا كمال كيف ما كنتي نتا في عيني اتكوون احسن واحد حيت عتقتيني وضحيتي بحياتك على قبلي.
كمال:انا عمري نتخلا عليك أ هناء.
هناء:كمال واخا انا كنت خدامة فالبار وكنت كنكمي بغيتيني؟
يتبع..
ليست هناك تعليقات