قصة حاقدة على الوضعية | الجزء 10 | قصص واقعية
"حاقدة على الوضعية"
الجزء 10
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
شديت طاكسي! ماكوم تصدمتو اه تاكسي أش فيها. ...صافي مشاو يامات لكعطة بسبادري ديال الواليد...دابا غادي نبرع راسي ! هبط عند لكنينيك:شحال عندي؟ مول الطاكسي:20 درهم! إكرام : شنو شنو 20 جرهم مالني قاطعا الحدود....شوف اداك الشلاهبي ولاه وما تقطع 5 دراهم و ترد الصرف تنصفيها ليك! مول الطاكسي:وا لالة هاكي شوفي الكونتور ...واراه هادشي لي كاين فيه! المهم عطيتو 10 دراهم واخة كاع ميستاهلها،الشفار ديال بوه! دخلت ،وا الصمت فهاد لكنينيك تقول فيه الأموات ماشي الأحياء! لقيتو واقف قدام الغرفة كي شي عسكري !مكايتجلاش...بغيت ندور نبدل الطريق ...يالاه درت وهوا يعيط:إكرام؟ تفو شغاندير دابا ماحاملاش نهدر معاه...مبغيتوش تضعفني و يخليني نسا إنتقامي من باه! لا لا خاصني نحط حجرة على قلبي و نسا بلي عرفتو... درت بالزربة و مشيت عندو...كنتمشا و رجلي كيرجعو اللور...ممتيقاش بلي الشخص الوحيد لي خلا قلبي ينبض ولد أكثر شخص كنكرهو دابا! وقفت حداه وهوا خال فمو فيا:واش هادي نتي ولانا كذبت! إكرام بلا مبالات:سلام...كيبقا عمي؟ كريم وهوا باقي دايخ :شكون...اه..با..باقي غيبوبة! إكرام بهمس:بغيتو مينوضش منها إنشاء الله! كريم:شنو؟ إكرام : قلتليك الله ينوضو بالسلامة. ...خلا بلاصتو مسكين! قرب ليا وحط إيدو على كتفي:متخافيش...غايولي لاباس! نزلت ليه إيدو بالجهد وانا مخنزرة؛تخطيتو و هبط للتحت...باليا بنادم كتير كيمشي لشي بلاصة تنا فلاكاب....لي دخل كيخرج بشي كرواصة ولا قهوة...جاني جوع و كرشي بدات تغني تاني...مافطرتش أصلا.. تبعتهوم و دخلت؛ واي واي شهادشي كامل...بديت نعمر ونحشي فمي...وا شبعت الحمد لله. جا عندي واحد الزوين:عندك 70 درهم ألالة. إكرام : شنوووو 70 درهم وتش حماقتي ولا؟ السرباي:ألالة نتي واكلة نص الماحال وكاتغوتي...شنو باغا تاكلي فابور؟ بديت نقلب فجيابي؛ميمتي ماعني ريال....شي صريف لي لقست فجيب القدامي زتهوم على عشرين درهم لي عندي فيدي ودابا شندير؟تفضحت! يالاه كنوجد فالسباط باش نضربها بسلتا وهو يوقف علينا داك خونا فالله كيف العادة مبوقص وريحتو صابقاه:صافي سير...حسابك عندي! خنزرت فيه ودورت وجهي؛بغيت ندوي ولكن خفتو يرجع فهضرتو وانا السانس مانسابو...نصدق غاسلو لماعن ديال لقهوة! كيشوف فسا وكيتسناني نهدر....والو كنحشي فمي ومارانيش فهاد العالم كاع! سمعتو كيحنحن:كح كح بصحة الستيل جديد...جيتس زوينة! وحلها ليا الله يغبر ليه الشقف....ناري تقطع فيا النفس!سمعتوه....واش سمعتوه قال زوينة؟! هزيت كاي دلما وانا كنترعد؛حسيت بالصهد واخة اليوم الجو بارد ومضبب ؛بحالا غاطيح الشتا! بغيت نشرب وانا نكبو؛عارفة راسي ماعندي زهر و تابعاني العين...نهار لبسب لكسوة خمجتها يخخ ! ناض بالزربة وهو هاز توب فيدو...زعما داير فيها جاندلمن! إكرام : بعد من كسوتي شكادير...ناري طلق والله وما طلق تا نزل على خويا! شاف فيا وهو مخنزر:غاتسكتي ولا نسكتك؟كلسي وخليني نمسح هاد الروينة لي دايرة فراسك! شفت فيه و ممتيقاش؛كيفاش إسكتني مالي طوموبيل! إكرام : شنو شنو....تسكتني....عرفتي...ما! حط يدو على فمي و هوا باقي كيحنزز؛قري ليا ونفس متقطع قال ليا: قسمن بالله باش كيحلفو الرجال و ما تسكتي يا حتى نشوهك ليوم يا بنت لعميم! بغيت نهدر و لكن كيندير و يدو على فمي؛قمعني تاني و سكت...أصلا هو معصب ديما...على بشر كيداير! ساليت فطوري...وقفت بلا منشوف فيه! كريم : ممم منسيتيش شي حاجة؟ إكرام : لا...شنو؟ كريم : متلا شكرا...شي حاجة بحال هاكدا! إكرام فخاطرها:هههه حلم شكرا ماقلتها تا لبا لي ولدني...نقولها لواحد مفرعن! شفت فيه مزيان؛طلعتو وهبطو بالخاطر :هههه علا اش متلا؟ على هدرتك الزينة البارح! شاف فيا وعروقو باينين؛أكيد عصبتو واشنو ساهلا ليه...باقي غانطرطق ليه لمصارن غا بلاتي...أنا يقوليا ماعنديش علاش نحس براسي...! طلعت عند عمي،ذاك الشارف مبغيتوش إيموت...ماشي حيت عزيز عليا..لا ،حيت بغيتو يتعدب فالدنيا و يتمنى الموت مايلقاهش! كرهتو و كرهت كل حاجة عندها علاقة بيه؛ فلوسو..منصبو...حوايجو...هدرتو...دارو...كلشي كلشي إلا هو...كريم منقدرش نكرهو!
مصدر القصة صفحة " قصتي كوم "
ليست هناك تعليقات