قصة حاقدة على الوضعية | الجزء 9 | قصص واقعية
"حاقدة على الوضعية"
الجزء 9
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
شفت فيه وانا مخرجة عيني...دايرة فيها زعفانة وانا خايفة عيني يفضحوني ؛ وقفت بالزز و مالني معوقة مانوقفش...نوقف كالاك! جري يدي من يدو ومشيت...مابغيتش ندور..عارفاه باقي كيشوف فيا ؛ كنتمشى وحاسة بعينيه تاقبين ظهري! دخلت للدار وديركت لبيت مي؛ دخلت وانا كنتلاوح ! غير شافتني وبدات تغوت:بنتي...بنتي مالكي؟أشهاد الحالة! شديت فيدها و كلست حداها :أجي يامي بغيتك فواحد الموضوع ضروري! شافت فيا باستفهام : الله يسمعنا خبار الخير أبنتي..شمن موضوع؟ سكت ومعرفت منين نبدا؛تشجعت و قلت نفرخش هاج الرمانة:مي...شكون هو سي محسن؟ لاحظت تغير فملامحها و الصدمة باينة فوجها:شش..كون...منين كتعرفي هاد السمية؟ إكرام : علاش مقلتيش ليا ب عندي عمي سميتو محسن و علاش عمرو ماجا عندنا؟ سكتات و جاوبتني بتلعتم:ششكون..ابنتي..أنا ماعارفاش علاش كتهدري؟ إكرام : كيفاش ماعارفاش واش كضحكي عليا أمي !وا مي راه معندي من غيرك تجاوبيني! ملقات منين تسلت و لا تهرب من لجواب؛ أسئلتي حاصراتها من كل مكان؛استسلمات أخيرا و كرات:عمك أبنتي غدر ببوك...كلاه فرزقو ولاحو للذياب...عمك هو لي خرج على باك و ردو وحش كيف شفتوه...مكانش هاكداك نهار عرفتو...كملات وهي كتبكي؛باك أبنتي كان راجل مزيان...من نهار باعو خوه تقلب 180 درجة! إكرام : كيفاش...بشوية راني مافاهما والو أمي!إنا حق فاش كلاه و كيفاش باعو...إمتا وقع هادشي كامل؟ الأم بيأس:15 عام لي فات على هاد العملة؛الطعنة لي تلقاها بوك من خوه خلاتو يكره الأخوة وكل العلاقات العائلية! كان حاسنو كيف باه و لكن عمك أبنتي طلع ثعلب...ثعلب وسنانو صحاح...ضحك على باك و دا ليه رزقو كلو ؛ دار يدو فيد العديان و دربوه دقة وحدة....أاااح شحال بكيت و قاصيت بسباب داك عمك....الله ياخد فيه الحق...الله ياخد فيه الحق! عنقتها وانا ممتيقاش أشكانسمع:ماتبميش أمي أنا غادي نتاقمليك منو....با عيشنا فالقهرة و الذل عمرنا كامل ...هادشي كامل بسسباب عمي....الغدار! دازت ديك الليلة كحلة؛منعستش وانا كنفكر و نخطط كيندير نتاقم ونعيشو فالجحيم لي عشنا فيه بسبابو! بكيت بزاف و معا كل دمعة كانت نار الحقد كتزيد تنهش فقلبي ؛ هادي أول مرة كندعي لبا بالرحمة...أول مرة كنقول با بلا مندم على ديك الكلمة. ..اول مرة كنحس بلي با كان إنسان و ماشي حيوان كيف كنا كنصحابوه! فقت معا الستة؛تا حاجة مبقات كيف كانت...حقدي تجاه الرجال اختازلتو فحاجة وحدة دابا...هدفي الوحيد نتاقم منو و نحرر فيه العيشة لي حررها فينا..هو لي حرمنا..بسبابو با ولا وحش...بسبابو خويا فالحبس...بسبابو مبظي فلفراش و بسبابو...أنا. ..انا وليت هاكدا! وقفت قدام لمراية؛جبدت السروال الكاشف لي موالفة ندير و تجاكيت الواليد...شفت فيهوم مزيان :علاش كالبس هاد لحوايج...علاش كنخبي راسي وسط قناع الزوفري...علاش كنقمع راسي ! رميتهوم جيهت الباب و بديت نقلب فالماريو...تفو تا حاجة مزوينة كلشي مكشتر...إمتا آخر مرة لبست كسوة؟....إيييه من يامات لمجرسة و الظفيرات...بلاتي شهادي...وا لقيتها. ...صحابلي واش رميتها تا هيا كسما رميت كلشي مورا ظهري فاش قررت نصبح زوفري! طلقت شعري؛واخة قصير باقي زوين. ..هزيت لمقص و ضربتها بقطعة وحدة...مالي أنا مانديرش القصة؟ واخة معنكشة شوية و لكن جاتني زوينة؛سرحت شعري مزيان و دهنتو بشةي ديال الزيت، لبست وخرجت عندي مي! كانت كاتفطر مسكينة؛غير شافتني وحلات ليها ولات تكحب تكحب....مشيت نجري جبت كاس دلما ،عطيتها تشري وانا كنضرب علىضهرها دوز الماكلة! الأم: بنتي...مالكي ياك لاباس...كسوة؟ إكرام : اه كسوة مالها كيجاتك...خايبة ياك؟ الأم:والاا بالعكس جيتي كتحمقي....ي سعدي أنا عندي كلشي هاد الزين و مافخباريش! إكرام : هههه شمن زين أمي الله يهديك بلا صباغة راني عارفة راسي ماعطياش لعين...! خرجت وانا ناويا على بلان فراسي؛الكسوة مالبستهاش غير هاكداك...هاد اللوك جديد كلو خطة باش ربح الحرب لي أعلنتها ضد عمي من البارح! هاد الحرب لي غادي تبرد ليا قلبي و تخلي با يرتاح فقبرو....
مصدر القصة صفحة " قصتي كوم "
ليست هناك تعليقات