قصة حاقدة على الوضعية | الجزء 12 | قصص واقعية
"حاقدة على الوضعية"
الجزء 12
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
6سوايع هادشي كاملو عملية! دخلاتني لخلعة و تاح ليا لما فالركابي؛ هاد خونا غا يدور و يقوليا:ماتخافيش غايولي لاباس! وا ماكاين لي خالعني قدك و مركب فيا السكار ياهاد لمزغوب...!غا يدور ويجي ليا كي السطافيت؛ جاب ليا الدوخة! خرج الطبيب؛ماعرفت مالو مكشر؛ ياكما عايقول شي خبار بحال وجهو؟ الله يجعل السلامة. الدكتور:نتيا من عائلتو؟ إكرام : اه انا ختو! الدكتور:العملية نجحات ولكن.. إكرام بانفعال:ولكن أش...شنو أدكتور؟ الدكتور : النتيجة باقي ماغاتبان...خاص حتا يفيق من البنج! إكرام وهي شانقا على الدكتور:واش كتفلا عليا...كيفاش ماباينش...واشنو كنتي كادير الداخل؟ كريم وهو كيحاول يفك الدكتور من ب يديها:صافي طلقي ....أشكاديري راه دار لي عليه ماعلينا غير بالدعاء دابا! طلقتو وانا منهارة؛فشلو عليا ركابيا و تحط للأرض كنبكي و ندب! كريم وهو ساندها عليه:شدي فيا.. داز النهار تقيل؛حسيت بالساعات بحالا دهور؛كلمات الدكتور باقي صوت صداها كيتردد فعقلي! كلما تفكرتها كيتزاد قلبي يتقبض عليا . كنت كالست فاش جا كيجري:إكرام إكرام نوضي دغيا...خوك..خوك فاق! مشيت نجري و نقول ما جريت؛دخلت لعندو!ماقادرش يتحرك!جامد بين دوك لخيوط و الاوكسجين دايز ليه. إكرام : أيمن خويا؟كتسمعني؟ ماعرفت مالو ماكايجاوبش؛ياك فاق! حط يدو على كتفي؛من وجهو باليا جايب خيار مكفسة؛كريم:إكرام شدي فراسك باغي نقوليك شي خبار ولكن كلسي هوا لول. إكرام وهي مخلوعة: كريم..شنو..خويا مالو ماكايجاوبنيش! كريم بيأس: خوك ...للأسف دخل فغيبوبة! ماعقلتش علا راسي ؛حسيت براسي تضرب بالجهد!آخر حاجة سمعتها صوت كريم وهوا كيغوت على الطبيب يجي ! فقت ؛ماعرفتش شحال فالساعة!الحال باقي مظلم..فين أنا؟هادا ناشي بيتي! خرجت لبرا وانا ماعاقلا على والو!بلاتي ماشي هادي الفيلا ديال سي محسن...بغيا نقول لي ولات ديالي! ولكن شكون جابني و علاش جابوني هنا...شنو طرا؟ خويا ...اه دابا تفكرت...فين خويا...ومي ناري مي خليتها بوحدها من البارح! هبط كانجري والضو مطفي فالفيلا؛تعكلت فالدروج وكنت غانطيح كون ماشدني من يدي وهو مزير عليا! كريم : فين غاجا كتجري؟واش ماغاديريش عقلك! إكرام : شش..شكادير هنا..فين خويا؟ كريم : خوك باقي فالصبيطار. إكرام : خاصني نمشي..مي بوحدها غاتكون مية بالخلعة! كريم : ماغاتمشي فين الليل هادا. إكرام : حيد من طريقي...قلتليك مي بوحدها واش مكاتفهمش! كريم : راكي نتي لي ماكاتفهميش...مك بيخير وراه الخدامة ديالنا عندها! إكرام : شنو قلتو ليها!عرفات؟ كريم : لا...قلنا ليها بلي غاتباتي فالخدمة ! إكرام وهي فاشلة: شنو غايترا فخويا؟غادي يفيق ياك؟ قرب وشدلي فيدي؛ ماعرفت مالو ولا رومانسي هاد ليام ماموالفاش فيه:متخافيش أنا معاك. ..غايولي لاباس! طلعت لبيتي،ماغادي نرتاح حتى نصلي؛الصلاة دوا وسعدات لي صاب دواه! صليت و هزيت المصحف؛قريت وانل كنبكي؛ثريت بزاف و دموعي سايحين. استسلمت للنوم أخيرا؛وعينيا منفوخين...أحداث اليوم كانو كتار والصمات توالات وحده مورا لخرى! غمضت عيني وانا متاملة فغد جميل؛غد حسن ملي عشتو...غد نحس نيت فيه بلي عايشة و كنتنفس....بحالي بحال كاع الناس! صبح الصباح؛حليت عيني بالزز؛ماقادراش نتحرك...كنحس ب عضمة فيا مدكدكة! عيت عيني الليمنية ؛تصدمت وانا كنشوفو كالس ومقابل معايا!بحالا كيتفرج فالسينيما.... فقت بالزربة وانا لاوية عليا الكاشة:شكادير هنا...ماش نتا غا تجي ودخل ناعند أدب لا صواب...فين نايض فين؟ كريم وهو يضحك:هههه كتفيقي ناشطة تبارك الله! إكرام وهي معصبة:و باقي كضحك ةباز لقلبك أخويا... كريم وهو مقروس:أنا ماشي خوك! إكرام : دابا خرج خليني نعس واش نتا لصقة فيما نمشي لقاك! كريم بتكبر:إيلا نسيتي الالة راكي فدارنا! إكرام بلا متحس:داركوم...هههع كانت داركوم...هادي دابا داري! شديت على فمي من بعد مدويت؛ولكن فات لفوت!بقا مصدوم وهوا كيشوف فيا.باينة مافراسو مايعاود...عمي داك الشارف ماقدرش يقوليه أشدار ف الواليد. ...ماقدرش يعتارف بجريمتو و بالطعة لي غرس فظهر خوه...خوه لي كان كيتيق فيه و مفضلو على راسو... إيه الدنيا شحال غدارة ولكن الأيام كادور دور حتى تعيا و دور عليك ولي كان ظالم يصبح مظلوم...عذاب الظمير شيء قاتل .. كيصرق كل إحساس بالحياة ؛كيقتل كل لذة فالعيش و اخيرا كيتسبب فدمار الظالم!
مصدر القصة صفحة " قصتي كوم "
ليست هناك تعليقات