قصة حاقدة على الوضعية | الجزء 13 | قصص واقعية
"حاقدة على الوضعية"
الجزء 13
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
مافهم والو؛ قرب ليا و بصوت مغمور بالصدمة و الغضب خاطبني:شنو...كيفاش ديالك؟ ترددت قبل ماندوي؛ خفت نخصرو ؛ خفت نندم إيلا صارحتو! تشجعت و بكلمات متقطعة هدرت:ع..مي..كتب..ليا...الفيلا! ماهدرش؛ زدح بالباب وخرج! خسيت بقلبي خرج معاه فديك اللحظة؛ ماكرهتش نبكي نغوت نقوليه ماتمشيش! خود كلشي غير بقا فجنبي...أنا محتاجاك بزاف! لبست ونزلت فطرت؛لقيت لفطور واجد فوق الطبلة! ولكن شكون وجدو؟ياك الخدامة عند مي! هزيت الناب لي على الماكلة ولقيت ورقة حمراء مكتوب فعليها:صباح الورد يا أحلا وردة ؛فطري مزيان مافيا مايهزك تاني راكي تقيلة! ضحكت وانا كانقراها؛قبل ماتخول فرحتي لدموع صامطة حفرات طريقها على خدي. دخلت للصبيطار؛قربت لغرفة خويا؛معا كل خطوة كنت كانحس برجلي كيخواو عليا و الدوخة شاداني...مانكدبش ونقول ماخفتش...لا كنت خايفة بزاف...يمكن هادي أكثر لحظة خفت فيها فحياتي؛ حليت لباب ؛مجبد بحال شي جماد ؛بقيت واقفة شحال قدام لباب !متقدرتش ندخل وانا كانشوف فسنجي و الراجل لي بقا ليا كيموت قدام عيني!غايب وانا ماقادراش نديرليه والو...قربت ليها؛بشوية حطيت عليه يديها وغنيت:يالا نام يالا نام واجلب لك طيري الحمام! كانت كتعجبو بزاف هاد الأغنية؛ كان كيغنيها لليا فصغري...ملي با كيدخل سكران و يشبع مي عصا...ماكانقدرش نعس بالخلعة!كان كيجي ويحط يدو على راسي و يغني ليا ؛كايقولي ماتخافيش...ماتخافيش أختي أنا معاك! داز لوقت دغيا؛حسيت براسي ضعيفة بزاف! دخلت للدار؛ كنسمع لهدرة، شحال هادي ماسمعت مي كاضحك!مي حبيبتي!وقتما سمعتعا كضحك كيظيفرح قلبي! ندفع نص عمري وترجع سالمة؛ترجع ضاحكة...ترجع مي! دقيت فالباب؛ إكرام : السلام عليكم! الأم : وعليكم السلام؛ دخلي بنتي ...تعطلتي! إكرام : غير لخدمة أمي. ..مي معامن كنتي كتهدري؟ قبل ماتجاوب جاني صوتها من اللور:غير أنا أبنتي! درت و شفت فيها؛شكون خالتي؟ فرحت بزاف؛خالتي مرا طيبة بزاف...مدة هاجي ماشفتهاش...مسكينة ماشي لخاطرها.الطريق طويلة و راجلها صعيب!الله يحسن لعوان. عنقاتني بجهد و دموعها سايلين؛دموع الفرحة و الاشتياق:تبارك الله على بنتي كبرتي و زيانيتي ! إكرام ببسمة:هههه بارك الله فيك خالتي...مرحبا و ألف مرحبا...مالك ناجبتي معاك سوسن؟ الخالة:راها خدامة أبنتي ماكاتساليش...ولكن مانساتكش وقالتليا نبلغ ليك سلامها! إكرام : مرحبا بسلامها!كلسي نعمر ليكوم شي كاس داتاي. جمعت شعري و دخلت للكوزينة! عمرت آتاي وحطيتو ليهوم هوا والحلوة...مشيت لبيت نرتاح!غدا تابعني شغل بزاف وخاصني نكون مستعدة. حطيت راسي فوق لمخدة؛كيفما سجيت عيني جات صورتو فراسي...تخايلتو و هوا كيكتب ديك لورقة لي حط ليا الصباح! ناري شحال كايبان بوقوص بالتيشيرت...كيصبح ناشط معا راسو ههه. باليا غا كانكذب على راسي؛نعاس طار ليا بمجرد ماتفكرتو...دخلت يدي لجيبي وهزي ديك لورقة! حفضتها من كترت ما قريتها؛بقيت كل دقيقة نجبدها نشوف فيها و نردها تاني!تا مابقا فيها ميتشاف....كشافت بكترت جبيد ههه! فقت لغد ليه؛أول حاجة تفكرتها كيغاندير نتاقم من عمي!مرض مي و غيبوبة خويا؛ هجران كريم ليا...كلشي هادو كانو أسباب كايخليوني نكره غمي كثر و كثر. قررت نبقا اليوم فالدار؛ عييت من جرى؛ بغيت نشبع من مي و خالتي قبل ما تمشي! خرجت و ريحة لمسمن عاطيا؛إكرام : تبارك الله على خالتي!وفين كنتي شحال هادا هههه. مي وهي كضحك:ياك يا بنت جيعانة...علاه شحال طيبت ليكوم فيه ولا نسيتي؟ إكرام : واااييه كان داكشي قبل.. سكت وانا كنشوف فمي ؛قربت ليها وبست على راسها:مي سمحي ليا ماقصدتش... شافت فيا بابتسامة : هادي لحقيقة أبنتي...هادا نكتاب ربي و نعم بالله! قاطعاتنا خالتي وهيا هازة طباسل الحلوى و مسمن...مممم هادشي كايشهي! أنا نكمل و نعاود ليكوم...زيدو مرحبا!ولا عرفتو بلاش ههه غادي تقاديوه!
مصدر القصة صفحة " قصتي كوم "
ليست هناك تعليقات