قصة حاقدة على الوضعية | الجزء 14 | قصص واقعية
"حاقدة على الوضعية"
الجزء 14
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
صبح الصباح؛ مانعستش مزيان! فينما نسد عيني كيباليا وهوا كايضحك! ناري شحال بوقوص هاد خاينا! سنينات مستفين والفم صغير و شعر ...ناري ميمتي على شعر؛ لكحولية كتقطر فيه تقول غير سلطان فياماتو! توضيت وصليت؛ جبدت لمصحف نقرا ؛ نساجمت فصورة الرحمن ؛ كتعجبني بزاف هاد الصورة...طويت الصلاية من بعد ناساليت قراية و خرجت ندور جيهت لبحر! ماعرقتش علاش ولكن كنت محتاجة بزاف نشوفو؛لبحر كيخليني رتاح ؛كيخليني نسا...كاندخل فعالم تاني خارج عن المألوف. وقف قدامي واحظ ظريف؛ حبس عليا الرؤية! أوةةف هادا مالقا فين يوقف غير قدامي:إييه أسيدي تحرك راه جيت نشةف لبحر ...ماشي نشوف كرشك لخارجة. شاف فيا وهو مخنزر : شكاين ياك لاباس....شةفي يلاما عجبك حال تلاحي. عطا الله لبلايص ولا ماعجبك تكلسي غي مورا ظهري؟ وقفت وانا ناوية على يخويت!شكايصحاب للالاه مزعوطى فيه؟حابس عليا لمتظر وزايدها بلفهامات ملفوق! إكرام : شةف اداك الشارف والله ونا تقلع من هنا حتى ندم بوك ،سمعتي؟ قرب ليا وعروقو خارجين،باينا فيه جلاخة و وجه حباسات! يالاه بغا يحط يدو على وجهي وانا نتحنى؛نزلت عليه بواحد تفليقة خليت جدو كيشرشر بالدمايات. يالاه بغيت نكنل عليه و هوا يباليا جاي ملهيه وكايجري:إكرام إكرام شكاديري...ناري على مسخوطة...وقفي وقفي ... ماعقلتش على راسي؛هزيت صباطي و ضربتها بجريا ناوقفت تال بيتي؛ سديت عليا الباب بالساروت ومي كتغوت من لبيت:وا بنتي مالكي وجهك صفر.. باينة درتي شي فضيحة كي العادة،ةا غا خرجي ندوي معاك راني ماقاداش نوض! جاوبتها وقلبي غادي يوقف بالخلعة:ةاني غسر كملي نعاسك...راه غير واحد لكلب جاهل على برا خفتو يعضني وهربت! كلست فوق الناموسية و قلبي غايخرج من صدري:زعما يكون مات...ناري أنا شحال صكعة و ماكانشد يدي...دابا شنة غاجي يطرا...غايديوني لعكاشة مافيهاش! حيدت عليا حوايجي ولبست ةاحد لبيجامة نص كم؛ صونا تيليفوني ،فيه واحد الرنة نن أيام الاستعمار ..إيمكن كانو كيديرو الرنات بالناقوس هههه . هزيتو بلا منشوف شكون:ألو..؟ -ألو فينك؟ إكرام : كيفاش فينك شكون نتا؟ -خليتي الراجل غارق فدمو وهربتي وكاتقولي ليا شكون أنا. إكرام : كككك..ر..ي كريم :أه ألالة كرييم هادا وشكون من غيرو لي غادي يجمع هبالك من موراك! إكرام : واش مات؟ كريم : وأنا لي غادي نموت إيلا بقيت تابعك...فينك دابا نجي عندك؟ إكرام بخوف:لا ل بلا ماتجي. ..صافي أنا نمشي للبوليس بوحدي! كريم وهوا غادي يخرج ليها من تيليفون:واشمن بوليس واش ياغا تحمقيني...فينك دابا؟ إكرام باستسلام : أنا فالدار! قطع و ديمارا بجهد؛ الطريق كاملة وهوا كيفكر كيفاش يفاتحها فالموضوع! كيفاش يخبرها بلي فقلبو...كيفاش يقوليها بلس باغيها تكون ليه! وقف وكلاكصونا؛حسات برجليها خواو...ماقدراتش تنوض ... صونا التلفون تاني:واش غاتخرحي ولا ندخل ليك! زيرات علا التلفون بجهد:ماخارجاش! قطعات وهيا حابسة لبكيا! فالطوموبيل كان غاجي يطرطق؛دابا شنو ولات تقطع عليا هاكا عاين باين بلا حشمة بلا حيا! ولكن والله لادووتها ليها،أنا كريم ولد سي محسن لي يضلو لبنات يتهاتفو عليا تسد عليا التلفون! خرجات من بيتها من بعد ما تهدنات:مي خاصاك شي خاجة من لحانوت؟هانا غادة نجيب لخبز! الأم : لا أبنتي غا سيري ...لبسي عليك بعدا ونتي خارجة هكاك! إكرام : وا خليني أمي راه صهد هادا صافي مظ،وراه لحانوت ملاصق معا الدار. خرجات وهي كاعية:علي أرا جوج خبزات...اه واعطيهوم ليا غاملين كيف ديما ! وقف عليا و الضحكة غالباه:حصلتييي يا بنت عمي هههه. شفت فيه ،يالاه كنسخن ركابيا باش نجري و هوا يشدني:أجي فسن غادة خخخ واش غير أجي وهرب! طلعي بعدا نتفاهمو على ديك التصديرة لي درتي ليا! طلعت وانا ماحاملاش راسي؛كنشوف فيه وهوا كيضحك، ماعرفت مالو. ..ناري عاد تفكرت بلي خارجة ببيجامة مقزبة!بديت نخبي بيدي على رجلي. ..مرة نخبس رجلي مرة يدي تا عييت وانا نخلي والديهم. ..واه واش أنا ماعندي شغل! وقف قدام واحد السبيطار؛شاف فيا :هبطي... يالاه بغيت نهبط؛وهوا يعاود يهدر :عرفتي شنو بقاي هنا أنا نمشي نجيبو ليك...وهاكي (لاح ليا جاكيط ديالو) غطي رجليك ! حشمت وحسيت بوجهي سخن؛ماعرفتش علاش ولكن كالقا صعوبة نجاوبو. طلع وخلاني؛شوية كايباليا خارج و معاه داك لي فلقتو...ناري باينة غايدوروني اليوم . حل ليا الطوموبيل وقالي:يالاه تسامحي معاه!
مصدر القصة صفحة " قصتي كوم "
ليست هناك تعليقات