قصة حاقدة على الوضعية | الجزء 15 | قصص واقعية
"حاقدة على الوضعية"
الجزء 15
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
بقيت نشوف فيه ونشوف فداك وجه لحبس... لاش نتسامح معاه؟ خليه نيت باش يعرف بنات لمغرب علاش قادات! نزلت بزز من الطوموبيل وانل ماحاملاش نشوف فيه! نهضني وقال:شكاتسناي يالاه طليي منو السماحة! طلعتو ونزلتو بحقد؛ نالو هوا شغلو؟ يالاه بغيت نهجر و بدا داك خاينا يقفقف ويرجع لور...باية ديك الضربة خلاتو يخاف مزيان ههه. -صافي غا خليوني نمشي أنا مسامح مابغيت والو اخويا. ...هاجي راه دغيا كتعصب غاتزيدني شي غراز جداد! شاف فيه كريم وهوا حابس الضحكة:واخا سير وهاك هاج البركة باش تشري الدوا... دار لعندي وهوا مخنزر... هادا مالو عاد كان مفرنس...دغيا تقلب تاني! كريم : دابا شنو نجير فيك. ..واش ماباغاش توبي ديما جابدة الصداع؟ إكرام : هوا لي جبد... يستاهل! شدني من يدي؛ناري شحال صحيح ...:أي أي قصحتينس...طلق مني! كريم وهوا جارني للطوموبيل : زيدي نتي راسك قاصح...ولكن أنا لي غادي نعرف ليك! ديمارا بجهد و شد طريق لبحر ؛شوية كيباليا خارج من لمدينة ..هادا فسن غادي؟ ماكنتش مخلوعة صراحة؛كنت قانطة نيت خليني ندور شوية خخخ وشكون كره يدور خصوصا معا بوقوص بحال هادا! بقيت ساكتة ومرة مرة كنطل من جاج ديال الطوموبيل؛ كريم لي كان مستغرب سكوتي؛خاصة اني ما درت حتى مقاومة ولا ردة فعل! كان السكوت سيد الموقف... وأخيرا سكت ديك الطوموبيل وخرج...حليت لباب بشوية ؛شهاد لخلا...لبحر داير بيك من كل جيه و ماكاينش حس البشر. ...بديت كانخاف صراحة واخة حافظة شي لعيبات ديال الكاراطي ولكن ماينفعونيش معا هادا مكلدم ة صحيح! جاني فبالي واحد لفيلم مكفاااس تفرجت فيه شحال هادي ؛ كانت لأحداث فيه بحال هاكا ولكن النهاية كانت خايبة بجهد! غا الله يستر وصافي! إكرام وهيا كتغوت : إيه قسن حايبني نتا واش حماقتي؟ كريم بضحكة شقية: مالكي خفتي؟ههه أجي قربي! إكرام : شنو...شوف ها را والله مايعجبك حال حجرة وحدة نجيبك مجبد! شاف فيها بنضرة حادة:قلتليك أجي مال عقلك خايب مالك؟باينة نتي من عشاق الافلام التركية وداك لهبال! ولد لحرام باش عرفني كنتفرج فالتركي؟والله حتى كنضل محشية فداك لمشقوف ديال التلفزيون. .. قربت وانا مترددة: شنو يالاه دوي؟ جرني من يدي وانا كنغوت؛كنجبد فيدي وتقول واش بغات تحيد...تقول لقاط شادني! تمشينا شةية قبل منتبهط بالمنظر لي قدامي! طبلة بالشمع والورد و...الماكلة...كرشي كتغرغر! بقيت كنشوف فيه مافاهمة والو...تسنيتو غا طلق وانا نضربها بجريا خليتلو غا الرسح مورايا! كلست فوق الكرسي...صتاصيونيت مزيان وانا نبدا...كنخشي فمي؛ها لبصطيلة ها الدجاج ها القطبان....ماجا يوصل عليا لقاني ضارية النص و واحلة ليا!بدا يضرب فظهرس و يعطيني فالما! كلس مقابل معايا ودار يدو على حنكو!بقا شحال وهوا كتامل فيا....ماعرفت مالو ! ماحبست تا حسيت بكرشي تنفخات؛الحمد لله. ...كنشوف فواحد لبنانة قدامي ناري شحال زوينة وكتشهي....دوماج مابقا ليا فين نديرها! بفيت نشوف فيه و نشوف فيها نشوف فيه و نشوف فيها ....هزيتها وحشيتها فالجيب ديال لبيجامة. بقا كيشوف فيا وكيضحك! ولا ظريف هاد الأواخر! كريم وهوا نايض من بكرسي:إكرام..؟ إكرام بدون اهتمام: شنو...؟ كريم : تزوجي بيا؟ شغادي نقول ليكوم وحلها ليا ولد لحرام...بقيت غا مبلقا فيه عينيا بحالا ضربني شي تران! شاف فيا بجدية :إكرام راني سولتك...! وقفت بزربة ولنل ممتيقاش أش واقع!ولد اكثر راجل كنكرهو كيعرض عليا الزواج؟ علاش ديما سعدي عوج....واش مالقا يمتى يبان هاد خاينا تا كرهت باه...لا لا مستحيل يكون هادشي حقيقي!
مصدر القصة صفحة " قصتي كوم "
ليست هناك تعليقات