قصة حاقدة على الوضعية | الجزء 16 | قصص واقعية
"حاقدة على الوضعية"
الجزء 16
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
بقيت واقفة مصدومة...جزء مني كان كتصرخ ويقول وافقي و جزء مظلم كان كيعارض و يصرخ انتاقمي! شديت على راسي بجهد وانا ماقادراش نتحكم فالاصوات المتعالية داخلو! قرب ليا و بنبرة شك خاطبني: كتعرفي شي واحد...جاوبيني واش كتعرفي شي واحد هادشي علاش ساكتة ياك؟ شفت فيه و الدموع فعيني:نتا ناعارف والو... شدني من كتافي وهوا مزير عليا: شنو لي ماعارفش....بلي وهمتينس بحبك ليا؟وملي كتبغي واحج آخر علاش ماقلتيهاش من لول؟ سليت كتافس من بسن يديه ؛ ماقدؤتش نشوق فعينو كنت عارفة ب فاضحيني.نزلت راسي و بنبرة يأس قلتليه:نساني...أنا مانصلاخش ليك! دازت مدة على آخر مرة شفتو...أو بالأحرى على آخر مرة خلاني نشوفو...فيما كنمشي للفيلا كتهرب و أحيانا كيخرج قبل مانجي باش منتصادفوش بجوج. دخلت عند عمي ؛ماكانحملش هدرتو...كلشي فيه كيعيفني و يخلينس نزيد نكرهو...هوا حرمني من كلشي. ..ماكفاتوش حياتي الماضية لي سرق و دابا سرق مني تا مستقبلي...سرق أعز واحد فحياتي...سرق حب حياتي! دقيت فباي المكتب؛دخلت كيبانو ليا شي ناس معا عمي...يلاه بغست نخرج وهوا يعيط ليا! سي محسن : إكرام. ..دخلس بنتي! دخلت وكولشي مبحلق فيا؛خصوصا واحد لبوقوص كان فجنب! سي محسن : هادو شركاءي....بدا كيقدمهوم واحد بواحد.حتى وصل عند داب لبوقوص:هادي معاد أكبر شريك ليا وهوا لي عندو أكبر عدد من الأسهم من بعدي فالشركة. سلمت عليه و كلست...كانسمعهوم كيهدرو فالاعمال. صراحة مافهمت والو....سهيت وانا كنفكر فشي طريقة لس تخليني نتاقم !وطاحت عيا الفكرة الجهنمية لي عمرها ما جاتني فالبال! يمجرد ما خرجو؛شديت تاكسي و تبعت السيارة الكحلة...وقفات بجنب فيلا كبيرة...وقفت الطاكسي بعيد شوية باش ميشوفنيش! شفت داك البوقوص خرج من الكوموبيل ودخل للفيلا؛صافي هادي هيا دارو...تمت أول خطوة بنحاح. رجعت للدار وانا كنفكر كيغاندير نفاتحو فالموضوع! واش غادي يبغي يعاوني؟وعما مايقول والو لعمي؟! نزلت على صباح؛قبل ميوذن الديك كنت قدام الفيلا...غير خرج وقفت عليه:السلام. ..انا بنت خو سي محسن. ..البارح كنتي عندها...عرفتيني؟ شاف قيا شوفة فشكل...هاد خاينة باينة بوبنات:اه مرحبا...صراحة كنت كنتسناك! إكرام بدهشة : كيفاش...كتسناني؟ معاد بخبت:اه زين مالكي تخلعتي ههه يالاه نمشيو للشركة ونتفاهمو! ركبنا؛واااحد الطوموبيل واي واي هادي نسكن فيها أنا ومي والواليد الله يرحمو. مكانتش مرتاحة؛ داك خاينة غايدور ويشوف فيا ومرة مرة كايغمز...على كنس! دخلنا للبيرو؛تفضلي لالة إكرام؛ شبهتي ليا لبا الله يرحمو! إكرام : ششش شنو كاتعرف با؟ معاد:أكيد...كان راجل مزيان...قبل..ميوقع لي وقع! إكرام : شنو لي وقع؟ معاد: أنا صحابلس عارفة...وعلاش جاية ملي ماعارفاش أشدار عمك فباك؟ إكرام وهيا غادا كرطق: كيفاش...شنو عارف وأنا ماعارفاهش! هدر بزاف ولكن لي قتلني هاد 2 كلمات:عمك باع باك و دخلو للحبس 5 سنين! ناري با حبايسي وانا مافراسيش؟ صافي هنا كفرت وكحالت الدنيا فوجهي؛وليت لي قالها نقول موافقة بغيت نتاقم وربي كبير...بغيت رتاح من هاد الكابوس لي سميتو عمي! خرجت من عندو بلا عقل؛فالباب تصاتحت معاه!شكون كريم؟ شفت فيه وتخطيتو بالزربة؛ ماقدرتش نوقف خفت نبكي بكترت ما توحشتو...كنت محتاجة نشوفو نهدرو نتخاصمو أي حاجة غير نسمع صوتو! هدر بزز:سلام! وقفت وانا مامتيقاش أش كانسمع؛واش هاجا صوتو ولا انا كذبت! جاوبتو بتلعتم:س..سس.لا..م. كريم :أشكاديري هنا؟ إكرام تالفة:شكون...ل ...أنا...جيت...حيتت...كنت بغيت..عمي..اه..عمي! كريم بشك:ولكن عمك راه فالدار! ناري يمكن قشغني...أصلا هاد خاينة بالذات مكانعرفش نكذب عليه! شاف فيا و هوا كيحقق فعينيه بحالا كيقلب على لكذوب وسطهوم! عاد باغا نسلت و قف علسنا داك معاد؛ناري مالقا يمتا يجي غسر دابا! معاذ: شرفتينا اليوم...وابقاي دوزي ديما راه دغيا كنتوحشوك! تفو علا زمر؛دابا هادا شنو نحرو ولا نكردو ولا شنو! دار شاف فيه كريم ونار الغيرة فعينيه؛ وعاود شاف فيا. ...شوفات ناقصين كلهم حقد ...حسيت براسي رخيصة بزاف. مقدرتش نستحمل و مشيت جارية!
مصدر القصة صفحة " قصتي كوم "
ليست هناك تعليقات