قصة حاقدة على الوضعية | الجزء 17 | قصص واقعية
"حاقدة على الوضعية"
الجزء 17
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
دخلت لسبيطار؛ ماقدرتش نسا لي داز لبارح! عيونو لي عامرين كره..نظراتو المنحطة ... صوتو البارد...كلشي كان كيدمرني و يرجعي عيمان لور! هزيت يدو وحطيتها فيدي و بديت نبكي؛ هوا بوحدو لي كانقدر نشكي ليه همي...هوا لي كايفهمني بلا مايعاتبني: شحال غاتبقا ناعس؟ خويا فيق راني عييت...عييت منتسنا ..عييت منخبي عييت عييت...شهقت وانا كانبكي ؛كان أسبوع متعب بزاف ! حطيت راسي على سريرو وخليتي دموعي يتحررو من قيود الحياة . حسيت بيد محطوطة فوق يدي!هويت راسي بالزربة و الدهشة مسكتاني! خويا..خويا تحرك....دكتووور؟ دازت كثر من ربع ساعة والطبيي عندو لداخل،كانمشي ونجي بحال شي حمقا...غير خرج وانا نشنق عليه:خويا كيبقا خويا؟ الطبيب : غير بشوية أجي للمكتب نهدرو؟ إكرام ييأس:واخة...سربي! دخلت وكون غا مادخلت؛ملي سمعت داك المبلغ والنعاس محرم على عينيا!40 مليون؟ما يجمعها غير الفم منين غانجيب هاد لفلوس واخة نبيع لبال عمري كامل مانجمعهاش ! فكرت ف الفيلا ولكن مانقدرش نتصرف فيها إيلا بعد مايموت داك الشارف... الله ياربي شنو غادي ندير...مابقا ليا حتى حل من غير عماد ...أه واخة عارفة هادشي خايب و لكن تال خويا لا ...نضرب على كلشي ويبقى ليا خويا! هزيت لبطاقة لي كان عطاني...تفكرت هدرتو وهوا كيفصل فيا:هاكا لاكارط فيزيت ديالي...ومتغبريش ..كنتسنا اتصالك! شفت فيها مزيان...ترددت قبل ماندوز الرقم!ولكن كيف كيقولو الغاية تبرر الوسيلة!قبح الله الفقر! دار معايا فواحد لقهوة؛السيد مسالي و باغي يتقهوا...شي عايش وشي غا ماشي! بست لمي على راسها و خرجت؛مسكينة بحالا كانت حاسة بشي حاجة غادي توقع. دخلت للقهوة...وا قهوة واشمن قهوة ...هادشي كانشوفو غير ف الافلام! زعما يبغيو يخدموني معاهم؟خخخ غير كانضحك مالكوم تصدمتو! عماد:مرحبي بالزيونات...(مد حنكو يسلم) إكرام وهيا مادة إيديها (زعما فهم راسك):السلام. ..جيتي بكري! عماد وهوا فاهم: قولي نتي لي معطلا ! إكرام : أنا جاية باش. عماد وهوا سابقها: باش تاخدي فلوسك...هاداك حقك وماشي سارقاه...خاصكي تعرفس بلي عندك كتر من النص فديك الشركة ! إكرام وهيا مصدومة:كك..كيفاش؟ عماد: الأسهم لي خدا عمك لباك شغلهوم فماشارسع كبيرة و هوما لي دارو ليه كلشي هاد الخير لي فيه دابا! إكرام : شنو...الشفار...وانا لي كنت كايصحابلي تاب وعوضني...ساعة باغي غير يسكتني ! عماد :وهادي هيا فرصتك باش تاخدي حقك...ملي جيتس عندي راكي عرفتي عندمن جيتي ! قالها بتقة كبيرة فالنفس؛كنت حاسة بشي حاجة مريبة فهاد الشخص...شي حاجة كاتقوليا بلي مورا هاد المساعدة عندو اهداف كبيرة...أكبر بكتير من أنه ياخد ليا حقي! جبد لوراق لي خصني نخلي عمي يسني عليهوم بلا ميشك فوالو...كان موجد كولشي بحالا قرا أفكاري! رجعت لدار؛عقلي خدام 24 ساعة على 24 كيغانجير نعطيه لوراق بلا ميحس...كيغاندير نتفادا نشوف فعينيه وانا كنخونو...ضربت على راسي بجهد:هوا شفار...عوا لي بدا!ولكن ...كريم؟ياربي اشهاد لوحلة؟قلبي معا ولد اكبر واحج كنكرهو! حطيت راسي على لمخدة؛كانت قاصحة قبل ماترطاب بدموعي...بكيت بزاف ؛حسيت بقلبي غادي يوقف بكترت لبكى! فبيتو كان غايموت بلفقصة؛صورتها وهيا خارجة من الشركة ببودي وردي وصاية بيضاء حمقو! ولي حمقو كثر معاد لي كاظظمانزلش عينيه من عليها! كان باغي يدخل فيف بشي بونية ولا يقلع ليه عينيه من بلاصتهم...ماقدرش يتحمل فكرة أنها تكون لواحد آخر غيرو... جبد بورطابلو وجبد لاكارط جديدة لي دارها خصوصا من أجلها. دور النمرة وتسناها تجاوب؛إكرام بصوت ناعس:ألو...ألو..! سد بالزربة وهوا حابس أنفاسو...حس بنبرة مقهورة فصوتها...كان باين صوت بكاها من كلامها! عاود صونا وهوا حابس صوتو يخرج! إكرام : وا دوي ...غير لي مسالي يدور ليا يخ الله يغبر لمكوم الشقف! سد وهوا كايضحك...ما تقلقش! بالعكس كان محتاج لغواتها...سي حاجة عادية تعشق جمال الشخص ولكن لي غريب أنك تعشق حتى الحوايج لخايبين فيه...هنا كاتوصل لحد العشق وكاتجاوزو بكثير!
مصدر القصة صفحة " قصتي كوم "
ليست هناك تعليقات