قصة حاقدة على الوضعية | الجزء 18 | قصص واقعية
"حاقدة على الوضعية"
الجزء 18
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
فقت بكري..توضيت وصليت؛ توكلت على الله ومشيت! خاصني نخليه يسني عليهوم بأي طريقة! ظروري يسني! فالطريق صونا تسليفوني...رقم أرضي:ألو..؟ -ألو الآنسة إكرام...؟ إكرام : وي شكون معايا؟ -أنا الدكتور ديال خوك..عيط باش نعرف واش غادي تعملو العملية اليوم ولا لغيها ؟ إكرام : لا غادي يديرها. .. نعول عليك أدكتور! -أنا غانجير لي عليا والكمال على الله، واخة نسبة النجاح مرتفعة الحمد لله. إكرام : الحمد لله. ..نخليك دابا أدكتور و تهلا ليا فخويا! دخلت للفيلا؛فالصالون لقيت لموحامي لي مكلف بجميع لوراق ديال عمي؛ طاحت عليا فكرة مين داك لارشيف ديال الأفكار الجهنمية لي عندي! دخلت وانا كنتسلت؛خليتو تا خرج لبرا حيت عارفاه ضروري يدير ضويرة يكمي فيها!غير خرج و ضربتها بحرية...دخلت لوراق وسط الملف وختافيت! فالكوزينة كنت كانتسنا المحامي يخرج !الوقت كيدوز تقيل وقلبي كيضرب بزاف! طليت باليا خارج هوا وعمي وكاتضحكو...صافي ماقشعو والو الحمد لله! دابا بقا ليا غير نحيد لوراق من الملف ولكن كيفاش؟ هزيت كاس ديال العصير وتميت غادية!دزت من حدا المحامي و بحركة سريعة وغير متوقعة كبيت الكاس وشللتو ههه.كان غادي يطرتق....عمي لي بغا يهدن الوضع:ماشي مشكل السي مخلوفي ماطرا باس أجي معايا تبدل عليك. شاف فيا بكره بحالا بغا يقلع ليا عيني ههه ماحملنيش من بعد ديك التشليلة لي درت ليه! غير دخلو للبيت وانا نتلاح على الشكارة!لقيت ملفات كتااار ....أوف فينا هوا ديال عمي؟!بقست كنقلب ورادة لبال لا يخرج شي واحد ونتفرش....سمعت صوت خطوات قادمة...كنقلب والصوت كيقرب...فآخر لحظة لقيت لوراق...هزيتهوم وخبيتهوم مورا ظهري!هزيت عسني لقيتو! ناري ياكما شافي؛ كيطلع ويهبط...بديت كنترعد و نقرا 60 حزب.... كريم بشك:أشكاديري هنا؟ إكرام : والو. ..جيت نشوف عمي! كريم : شنو مورا ظهرك! إكرام : شنو. ..والو...شبغيتي يكون! كريم وهوا مقرب ليها؛معا كل خطوة مان قلبس كيظرب كتر ...فواحد اللحظة انعادم الصوت فالغرفة و عوضو صوت دقات قلبي المتسارعة...كنت عارفاه شاك فيا ... قبل مايوصل لعندي وقفو باه:ولدي شكادير هنا ياك عندك إجتماع اليوم؟ كريم : لا..اه..بغيت نقول تأجل! بغيت نسلت دغيا...خصوصا من نظراتو المتفحصة ليا.. إكرام : عمي...نخليك دابا..خاصني نمشي! سي محسن : تسناي أبنتي...ماتمشيش بوحدك ...كريم...وصلها! يالاه بغيت ندوي نقوليه لا ها لعار غا خليني واخا نعرف نضربها بالرجل هههه ولكن معامن ماجيت نهدر تا كان دار أمارش! طلعت وماحاملاش ركب...ماشي حيت كنكرهو لا بالعكس كون غير قدرت نكرهو..بمجرد ماكايكون بجنبي كانسا الإنتقام ولفلوس والماضي...كانسا على جيت وعلاش أنا هنا! شاف فيا :ديري الصمطة! درتها بلاما نحاوبو! ديمارا بجهد؛هادا مالو غا غادي و يكسيري كثر...طلعليا الزمر...صافي فهمناك ماحاملنيش و لكن مالنا على السرعة ،السرعة تقتل وانا باقي باغا نعيش خخخ. السكات مخيم على لمكان؛صوت أنفاسنا المتسارعة كانت مسموعة بحدة. ..كانت فاضحانا...معا كل تانية كل دقيقة كنزيدو نغرقو فواد العشق...شغل سيدي ...واحد لغنية مافهمتهاش...كيقول شي ه فشكل بحالا مضارب...ماعجباتنيش...بقيت نتسناه يقلب و لكن والو السيد كاع مامسوق! مديت يدي؛ طاق و طفيتو. حبس لفران يجهد؛شاف فيا بحدة: علاش طفيتيه؟ إكرام بلا مبالات:خايب...تا ه أغنية أوا صافي..! كريم : ونتي مالك شدخلك...طوموبيلتس وانا حر فيها...ولا مولفة بالشخدة! هنا قاس ليا الوتر الحساس؛غا جبد الشعبي وانا نبدا: نايضى نايضة معا ينات ليوم نايضة معا طاهور نايضة! بديت بصفق ونغني وهوا مصدوم بحالا مضروب بمقلة؛ماعرف باش تبلا...شوية وطلقها بضحكة! شاف فيا و بهمس قال:حمقة! ديمارا وزاد! وخلى دمعي هواد هههه غير جاتني معا اللحن وصافي! دزنا من واحد الطريق كلها محفرة؛الدعوة الله من هاد الشلاهبية..غا يقربو الانتخابات ويدوزو طلية للشوانط..و ملي يربحو يدوزو لفلوس لسويسرة و الشعب حال فمو و واكل الدق! بقينا بطلعو ونزلو فدوك لحفاري تا سخفنا...لاباس بقات غا حفرة! معا لخرجة ديال الطريق. ..كانحس ب الطوموبيل كتحرك بحالا مبقاتش متوازنة!شنو طاري؟ نزل يطل على الروايد، باليا جاي ومعصب :ميغدغ .... ماعنديش حتا السوكور! خرجت راسي من الشرجم:شكاين...لاش وقفنا؟ دار وهوا معصب:لا والو غا شفتك قنطانا قلت نساريك! هادا مالو كيغوت ؛ماكفاهش مبيس الروايض وزايدها بالطنز! بقسنا نتسناو فالديباناج...ماكانهدروش بحالا كاينين فكنازة...صونا تلفوني! غير شفت النمرة تبدلو فيا اللوان! كريم : شكون؟جاوبي! قطعت وانا خايفة...إيلا عرف بلي كنهدر معا عماد غايشك فشي حاجة... و اكيد غادي يفضحني! كريم بعصبية : علاش كتقطعي...شكون كيعيط! خدا لبورطابل بعصبية وجاوب! -ألو...مالكي ساكتة؟ أشدرتي فلوراق...سناهوم عمك؟ طفا عليه وهوا شاعل؛كنت عارفا هادشي مغايدوش بيخير. زير على يدي وهوا كيغوت:أشمن وراق...أشنو كتخككي نتي وداك الشفار؟ إكرام : بعد مني...الشفار هوا با! آخر حاجة عقلت عليها تصرفيقة فوجهي، و وجهو وهوا شادني ملي سخفت عليه! فقت لقيت راسي فالدار؛ الليل ظلام وانا فوق الناموسية. ناري لوراق...فينهوما
مصدر القصة صفحة " قصتي كوم "
ليست هناك تعليقات