قصة حاقدة على الوضعية | الجزء 19 | قصص واقعية
"حاقدة على الوضعية"
الجزء 19
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
قلبت البيت سفاها على علاها و والو تقول تشقت الأرض وبلعاتهوم! عييت منفكر فين غايكونو مشاو! بلاتي. ...غايكون غير هوا لي خداهوم! فبيتو كان شاعل وهوا كيقرا لوراق لي ماقراتش هيا و عطاتهوم لعمها يسنيهوم! يمكن يكون غباء ولا جهل ولا مخرد حاجة لفتاة يتيمة طاحت فأيدي شريرة. . هزهوم وهوما معصب...فكر للحظة يفرشها معا عمها و لكن قلبو ماطاوعوش...خصني نعرف السبب مورا هادشي. ..إكرام بصح بنت صعيبة و عصبية ولكن ماشي مادية أكيد عماد ضحك عليها! لبس جاكيطو وخرج؛ليوم ندم مو نوريه يلعب معا عائلتي والله لا دوزتها ليه! كان فالصالون ملي دخلات الخدامة:سيدي معاد ؛واحد السيد بغاك شنو نقوليه؟ معاد : قولو يتفضل! دخل بحال شي طور جاعر: أشكان كيصحاب ليك بلي غادي طيح با فشغل مشبوه؟ معاد وهوا كيمتل عدم الفهم:سلام كريم...مالك علاش كدوي؟ دخل فيه براس ونزل عليه بلبونية:ها علاش كندوي...الشلاهبي...مبغستيش توب...ديما لكدوب ساكنين فيك...شنو قلتي لإكرام ؟ معاد وهوا كيضحك:ههههه مالك أصاحبي ياك ماكاتبغيها؟ تردد قبل ميكمل هدرتو،كريم:هاديك غادي تفوتها و غادي ندمك على النهار فاش تزايديتي!وحسابك معايا أنا ....ملي نوري هاد لوراق لسي محسن غادي نتفرج فيك! معاد بنبرة حقد: شنو غادي تقوليه...بلي بنت خوه خانتو .... وفين هوا الدليل بعدا؟الشخص الوحيد لي غادي يضرر من هاجشي هوا حبيبة لقلب هههه! كريم : حقيييير! خرج وزدح بالباب:علاش علاش ا إكرام؟ علاش كاديري هاكا! ركب فسيارتو و بقا يدور...تالف بين دروب لمدينة...ماعارفش فين يمشي ومنين جاي!ماقدرش يفهم السبب وراء خيانتها...ياك لفيلا خداتها شنو باغا مازال...! صبح الصباح؛ صباح زوين بأصوات العصافير ! كان زوين لشي وحدين و خايب لوحدين خرين بحال أبطالنا لي ناضو مدكدكين! فاقت وعظامها طيبين؛ مانعساتش مزيان وهيا كيفكر فحالة خوها.كانت متأملة من خطة عماد تجيب ليها لفلوس و تنجح عملية خوهت...حلم بسيط ؛ بسيط بالنسبة للبعض و كارتة بالنسبة ليها! استسلمات وهيا كتشوف كاع لبيبان مسدودين... نزلات للسبيطار ودموعها هابطين! ممشاتش فطاكسي.. هاد المرة شدات نمرة 11 (على الرجل هه). دفعات باب الغرفة؛تماك فين عايش خوها...دخلات وراسها هابط. مقدراتش تشوف فيه؛ تحكي ليه على فشلها...تطلب لغفران على ضعفها. ..تشكي همها! تصدمات ملي لقات لبيت خاوي!خرجات ولعقل خرج:فسن خويا خويا. ....ياربي ميكونش مات لا ياربي عافاك! كانت فحالة هيستيرسة؛ضربات فواحد لفرملية وهيا كتجري فلكولوار:ختي...خويا...أيمن...هنا كان هنا...وتش مات؟ لفرملية :شكون أيمن؟ إكرام وهيا كتغوت:وا خويا...جابوه مضروي من لحبس.... لفرملية:أاااه راه فغرفة العمليات! إكرام : كيفاش....مالو...؟ لفرملية :لا والو غير ليوم كملتو لفلوس ودخلوه للعملية! إكرام وهيا كتهدر معا راسها:شنو..كيفاش. ..شمن فلوس...شكون دفعهوم؟ بقيت كالسة ؛مرة مرة نهبط نطل واش خرج...تعطلو بزاف! من بعد 4 سواسع خرجوه وهوا غايب؛منظرو على السرير المتحرك قطعلي لقلب:خويا خويا....دكتور واش نجحات....دكتور؟ الدكتور : علا سلامتو...العملية تمت بنجاح الحمد لله. ...أحسن حاجة درتوها ملي زربتو ودفعتو لفلوس قبل متأزم حالته! إكرام مافاهما والو:ولكن أدكتور أنا مادفعت والو...شكون لي دفع؟ جاها صوت من اللور قاطعهوم:أنا! دارت بشوية وخيا مصدومة:ععع..عمي؟ سي محسن : اه عمك ... شنو صحابليك غانفرط فولد خويا؟ مافهمت والو...كيفاش واقف على رجليه...ياك كان مقعد وماكايتحركش؟ إكرام بدهشة:نن نتا كتمشى ولكن؟ سي محسن : أجي معايا نشرح ليك! بما أنكم ماشي معانا غانعاود ليكوم القصة! عمي لي كان كيمتل بلي مشلول؛كان عندو هدف من هاد التمتيلية ... ملي شرف وحس بالموت كتقري خدا عهد على راسو تعةضني أنا و خويا على لي فات...كان مراقبنا سنين هادي ! ولكن عمرو ما زعم يقرب لينا...إحساسو بالذنب و الخوف من ردة الفعل منعوه يصارحنا... من بعد حديث طويل ؛حديث فيه طاحو دموعي بكثرة... فيه حسيت بريحة الواليد من خلال عمي...ماعرفتش علاش ولكن قدرت نسامحو للمرة الأولى فحياتي جسيت بلي قادرة نسامحو بصح ومن قلبي! إمكن تجيكوم صعيبة ولا فشكل...كيفا نسامح لي كان سبب فدمار عائلتي...كيفاش نسامح فحقي! تسناو باقي ماساليت لقصة؛عمي كان عالم بكل ما يدور فراس معاد...بالمناسبة داك معاد غير كداب و كاع لي قالو على الواليد كان مجرد خيال ختارعو بتفكيرو الخامج. شدليا يدي بيديه المرتجفة ؛جبد وراق كتار من شكارتو...حسيت بيه نادم...بلي غلط وحس بغلطو. كلشي كيغلط...وشكون فينا لي غمرو ماغلط؟ماشي عيب تغلط لي عيب هوا تعرف غلطك وتستمر فيه! جبد لوراق ومدهوم ليا:بنتي..هادا حقك نتي وخوك من أملاكي...أنا غلط بزاف ...عارف ومكنتسناش تسامحيني...عارف بلي هادشي حتى أنا موحال نقدر نسامح نفسي. اليوم وانا قدامك كنحس بالمرحوم قدامي...اليوم رتاحيت ملي حيدت على عنقي هاد لحمل وعطيتكوم حقكوم ... النص ديال أملاكي ولات ديالكوم..
مصدر القصة صفحة " قصتي كوم "
ليست هناك تعليقات