Header Ads

قصة حاقدة على الوضعية | الجزء 5 | قصص واقعية

"حاقدة على الوضعية"
الجزء 5
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
فقت برشان ديال لما بارد و بصلة واو شحال مجهدة...خلاتي نبكي! ققت وانا كاعيا:واختي واش نتي محلفا فيا ولا مالك؟ واه هادي بصلة ديال الشمان هادي؟ الخدامة :فقتي...علا سلامتك...نوضي راه سي محسن فالصالون كيتسناك! إكرام : شنو..شكون...شمن محسن؟ الخدامة:أويلي علا شكون نحسن...السيد لي كان يدوي معاك ملي سخفتي! إكرام : آآه..قولي الشارف بو كروصة! الخدامة وهي سادة ليها فمها:سكتي...سكتي الصكعة....ناري وسمعك! إكرام : ومالو يسمعني أشغايدير كاع! خرجت وانا كنحك فالضربة لي كليت فراسي...كانت خايبة و تبوقلت بيها يوماين جيهت الجبهة...ماشي مشكل كلشي يهون فقدام 80 االف فالصيمانة خخخ. وقفت قدامو،عيني فيه و مخي لهيه،كنفكر واش نقبل ولا لا!كنفكر و نفكر كيفاش هاد خاينا زعما قلبة هشيش كاع لهاد الدرجة. ..ولت شايطين عليه لفلوس...واش عاجباه ولا شنو قصتو! شفت فيه مزيان...كنطلع ونهبط بحالا مدوزاه فالسكانير:شوف...أنجيك من اللخر أنا راه ماشي كيف يصحابليك....لا تقول هادي من لكباري و تلعب عليا العشرة! قاطعني ببرود وهو غارس عينيه فعيني: أنا ...كبرت على داكشي...دوزت عمري...غلط بزاف ...ودابا باغي نكفر على غلطي! إكرام : ملي جبتيني ونتا كدوي على تصلح غلطك...وانا مالي...ما بنتك ما مرتك ما كنعرفكش أصلا....لاش باغي تخدمني عندك؟ الرجل المقعد : غادي تعرفي كلشي من بعد...المهم دابا واش موافقة على شروطي؟تبداي غدا إنشاء الله؟ إكرام بتردد:نفكر و نرد عليك غدا انشالله. مشيت جارا رجلي...بغيت نفكر...عارفة بلي هاد العمزة ماكاينش بحالها...شكو لي لاقي دابا تا 20 ألف فالشهر...ولكن علاش؟هاد السؤال كان مخوفني مخليني مترددة!الرجال مافيهم تيقا كلهم نفس لكنوس يشريك لحمة ويلوحك عظمة! دخلت للدار و معا الحلة دلباب سمعت صوتها وهي كتالم من شدة الوجع...كنت عارفة السباب. ..الدوا كمل و المسكنات تاهوما...دفعت الباب و دخلت لعند ميمتي؛إكرام : كيبقيتي أمي؟ الأم وهي كتحاول تخفي ملامح الألم لي مسخفاها:لاباس أبنتي...الحمد لله. نضت و نفسي مقبوطة عليا،جمعت قفتي و مشيت نشوف حبيبي،توحشتو بزاف خويا و سندي فهاد الدنية...نشكيليه همي ! دخلت وعطيتو لاكارط؛إكرام بنت الهاشمي ولد قدور! هههه واسميا عندك ألهاشمي...كرهتينا فحياتنا ملي كنتي حي و ضحكتينا ملي متي.....شغادي نقوليك الله إسمح ليك وخلاص. كلست نساين فيه و قفتي حدايا؛خرج والفرحة فعينيه بحال كل سيمانة؛عارفاه مفقوص و كيخبي همو مورا ديك اللحية لي مخبي بيها النص دوجهو...مغصوب فشبابو ... عنقتو بالجهد بحالا باغا ريحتو تلصق فيا ولا باغا ندي فيدي خيالو...باغا صورتو تحفر فراسي... نطق بصوت مبحوح:إكرام...كيدارة مي؟ _آه شحال هادي مسمعت سميتي...كنسمع غير زوفري الدوار...ولا يارا الشطاحة! شفت فيه ودموعي سابقيني مقدرتش ندو؛نقول،نشكي هم الدنيا ونحكي ما بيا! جمعت راسي و مسحت دموعي و شفت فيه؛ضحكت بالزز و هدرت: كلشي لاباس أخويا...قوليا نتا كيداير...ولفتي؟ أيمن: هههه ولفت؟واش أختي لي فالحبس كيولف؟خطيك مني وقولي ليا نتي كيف دايرة...خدامة...كيعايشة نتي ومي؟ جاوبتو وانا حادرة راسي،خفتو يقشعني...من عيني باين لكذوب..:خدامة...خدامة مزيان الحمد لله ومي مخصها تا خير. شاف فيا مزيان؛هز ليا راسي وشاف فعيني...توترت لا يكشفني ! نضت بالزربة و هزيت القفة:هادي الحرشة لي كتعجبك...هادي الرفيسة خليت ليك حقك من لبارح....اه وهادي ،هزيتها فيدي و بشوية قلت ليه:ها هو الكارو لي وصيتيني عليه.. قاطعنا واحد البوليسي وهوا واقف علينا كي شي بودرة:يالاه...سالات الزيارة. توادعت معا خويا و دموعي سايلين؛بغيت نحكي ليه ما بيا و لكن همو كافيه بلا منزيد عليه! خرجت وعقلي مسافر لعند اليوم المنحوس لي تبدلات فيه حياتنا؛ اليوم لي بقيت شهور....مصدر القصة صفحة " قصتي كوم " .... نحلم بكوابيس ونوض مدهوشة بسبابو ؛سديت عيني بحرقة و نار الكره تشعلات فقلبي من جديد...درت حتا عييت و ملقيت خير ليا من لبحر فيه نلقى راحتي و نسا همومي...

ليست هناك تعليقات