قصة حاقدة على الوضعية | الجزء 6 | قصص واقعية
"حاقدة على الوضعية"
الجزء 6
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
هبط جيهة الصخرة الكبيرة ؛ كلست نبكي على جهدي .لي داز يشوف فيا ؛ شي يضحك وشي يهرب..وشي...شي غا كيشوف! بقيت على ديك الحالة ساعتين نبكي و نذب زهري لعوج..حسيت بشي حد كلس حدايا و ضرب على كتفي:كلشي غادي يكون مزيان! ضرت وعينيا عامرين: شكون نتا؟ حيد إيديك مني! رفع إيديه بخفة وهو كيشوف جيهت لبحر؛ تسنيتو يفهم راسو ويتكعد من حدايا و لكن هاد خاينا باينا فيه لصقة! شفت فيه بغضب:أسي...نوض تكعد و حيد من حدايا...لا باغي تمنضر سير لهيه! شاف فيا وضحك و بغرور قال:و فاش غانتمنضر...فيك؟ ههه! وا حاس براسو هاد خاينة؛ محملتش راسي...نضت وانا معصبة...يخ فيما مشيت لقاهوم...كنس الحفيان! خليتو مورايا و تمشيت...سمعتو كيعيط وا الآنسة. ..أختي...هيهو؟ ماجاوبتوش؛داكشي لي بقا ليا الباسل لي قالها ليه....ملقا معامن! وقفني بيديه و هو كينهج،محسيتش إلا وانا راسما إيدي فخدو... هبط إيدي بالجهد ولعروق باينين فوجهو من كثرة لعاصاب :هاكي نسيتي ميكتك! مشا وخلاني واقفة؛بغيت نتبعو...بغيت نعتدر منو...كملت طريقي وانا قانعا راسي: الرجال ميستاهلوش..كلهوم غدارة! رجعت للدار؛مي نعسات ولا يمكن دارتها بلعاني باش منسمعش صوت بكاها وهي كتالم من حريق الجرح! عييت و كلشي البيباب تسدو،باب واخد لي بقا هو داك الشارف...ماعرفتش أش تحت راسو...توضيت وصليت. ..دعيت بزاف و أخيراً قتانعت:غدا غانمشي نخدم! معا الستة كنت لابسة؛فطرت لميمة و هبط على رجلي للفيلة ديالو. دربطها بكعطا تا طابة رجلي...ماعنديش فلوس لي نزيد نخسر فالطوبيسات...يالاه لقاة باش ناكلو هاد الصيمانة! دقيت ،حلات ليا ديك الخدامة ديال ديما:جيتي...دخلي راه سي محسن كيتسناك! إكرام : شنو...كيتسنانس...هيا كان عافني جايا!أكيد وشكون هاد الحمقة لي غادا ترفض عرضو! لقيتة فالصالون داير جيهت الحديقة و يشةف من الزاج؛كيبان انيق بزاف هاد الصباح...من بعد غادي تعرفو علاش! إكرام : كح كح السلام عليكم! سي محسن:وعليكم السلام! مرحبا. ..جيتي بكري! إكرام : أنا كنفيق ديما بكري...مولفة. شاف فيا بحنان و بضحكة جنب جاوبني:غادي نعوضك على كولشي...متخافيش! مفهمت والو و بصراحة مكانتش مصوقا كاع...لي كيهمني دابا بجمع باش نشري لمي دوا و باش نعيشو هادي لي بقا فحياتنا. .. عيط علا ديك لخدامة: سعدية وااا سعدية السعدية:نعام أسيدي؟ سي محسن:أجي دي إكرام لبيتها و وريها الفيلا بيما نجي من المكتب نجيب شي وراق! السعدية:واخة سيدي...تبعيني! واش سمعتوه قال سنيتي ولا أنا كذبت؛وا ناري هادا منين عرف سميتي؟ طلعت ندور ونشوف فلبيوت؛واحد ينسيك فلاخور...تقول غا قصر فعهد السلطان سليمان! وصلنا لواحد الغرفة ؛ هاد الغرفة فشكل بابها بوحدو ماشي بحال لبيبان لوخرين؛كتبان كبر من لبيوت لي شفت...بغيت نشوفها ولكن السعدية محلاتهاش!معرفتش علاش ولكن ملي سولتها ماجاوباتنيش...يمكن ماعارفاش....يمكن خايفا...ولا يمكن ماحاملانيش هاد خايتي و صافي! مليت؛ماموالفاش نكلس نهار كولو بلا مندير والو...موالفة بتمارة...بالهزان والحطان ... سمعت سوارت فالباب؛أكيد سي محسن هادا! خرجت بالزربة جيهت الباب...حليتو و بقيت حالة ف على وسعو...شنو كنشوف:هادا...ناري عرفتة شكون...وايني أنا صكعة و مسخوطة...تفو علا زهر... شاف فيا و الصدمة باية فعينيه : شكادير نتي هنا....أشواقع ؟فين السعدية؟ إكرام : ششش...شنو نتا كتعرف السعدية؟ كريم:ههههه زوينة هادي...راه هادي دارنا ! إكرام : شش..نو داركم...و..وسي محسن؟ كريم:با..!! وقفات علينا السعدية:نعام السي كريم...إمتى جيتي؟ كريم : عاد جيت...تعطلات طيارتي! إكرام : ولكن...أنا...البارح...شش..فت! سد ليا فمي وهو كيضحك:هههه زيدي قدامي! دخلنا للمكتب ؛ كريم:شكاديري هنا....شكون نتي...شكون مصلتك عليا؟ إكرام : شنو ش شنو مصلطني؟؟اااه جمع فمك...الكذاب.! قرب ليا وهو وهو معصب: شنو...أنا كذاب؟؟ إكرام : اه...علاش قلتي بلي عاد جيتي اليوم...أنا شفتك البارح...فلبحر! كريم وهو داير :عندي أسبابي...آخر مرة تقولي ليا كذاب سمعتي! قالعا بالجهد؛خلعني ولد لحرام....أول مرة يخلعني شي راجل من بعد الواليد... قاطعني بصوتو:وا فهمتي؟ إكرام : اه..اه فهمتك.
مصدر القصة صفحة " قصتي كوم "
ليست هناك تعليقات