قصة حاقدة على الوضعية | الجزء 7 | قصص واقعية
"حاقدة على الوضعية"
الجزء 1
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
خرج وخلاني! عمر شي راجل مانخاني هاكدا و طمصني بلبيان...باينا هاز شي سحور فجيبو واه أنا زوفري الدوار يقوليا فهمتي و نقولو واه كي شي دجاجة! خرجت تبعتو وانا ناوية نحيح...وقفت فبلاصتي جامدة ملي شفتو نعا سي محسن ! كريم وهو كيبوس ليه إيديه:كيداير الواليد...راني قديت الشغل باش كلفتيني و كلشي هو هاداك! سي محسن:الله إرضي عليك أولدي عارفك قاد بيها! شفت القضية عائلية وانا نيت ماعنديش معا هادشي لي كايقولو ليه حميمي و داك الزعت...كرشي كتزغرت؛بغيت ناكل...ضرت بشوية نسلت وانا نسمع صوتو:إكرام. ..أجي لهنا؟ درت بحالا مسمعت والو وكملت طريقي؛ شداتني يد من اللور : واش مسمعتيش با كيعيط ليك؟ملي يعيط ليك الحاج قولي نعام! ضرت و القردة طالعة و كتنقز هي و ولادها فوق راسي:شنو شنو ....أحتارم راسك اسي ة حيد عليا يديك و زايدون ماشي شغلك نقول نعام ولا باع نتا مالك! خرج فيا عينيه؛وقف قدامي و زفيرو لي كيطلق على وجهي سخون و باين مكشكش؛يالاه بغا يدوي و قاطعو سي محسن : بنتي إكرام...هادا ولدي كريم . إكرام : اه...عرفناه...شلا...عاجبو راسو (قلتها بشوية وانا كنكمكم). سي محسن : شنو كتقولي ابنتي ؟ إكرام : لا قلتليك مشرفين! سي محسن : اه...ولدي كريم هادي إكرام راني هدرت ليك عليها البارح! كريم بعجرفة:اه هي هادي... طلعني و نزلني بحالا كيعبرني...باينة محنلنيش!كمل كلامو و هو رافع زنفارتو: متشرفين ... مد يديه يسلم، شنو نسلم زعما؟ هههه هيا ماشي إكرام هادي ؛الصراحة بقا فيا و هو مصدوم و يدو ممدودة فالسما...خليتو شحال؛باش يتربا و يعرف حدودو!بقيت داوية معا سي محسن و ماعلاباليش خخخ. شاف فيه و لقاه واقف كيلبلاكة و يدو ما هي فالسما ما هي فالأرض! بغا يدارك الموقف وهو كيشوف ولدو مزير و ماحاملش الموقف ككل ؛ سي محسن : سير أولدي ترتاح راك عيان بالصفر...بنتي إكرام أجي معايا للمكتب! مكانحملش لي يقوليا بنتي...أنا ما بنت حد...هاد الشارف ضريف واخة هاكاك...حسن من داك لمفرعن ديال ولدو...واشحال حاس براسو ...بيني و بينكوم بوقوص و لد لحرام خخخ. مشا و مرة مرة كيضور يشوف فينا. ...وا هادا ماي غا عايق ...عايق و فضولي ههه! دخلنا للبيرو...مال هادا كيسد فالباب؛ ولاه ويقرب تا نتلفو على لقبلة...راني تجربة فلمضاربة و تخصار لكمامر...غا الله يعميها ليه ! سي محسن : قربي أبنتي...ماكي خايفة! وعلاه لي عرفكوم مايخافش هههه ! كلست فوق الكرسي و حاضياه بنص عين؛كنتسناه غير يدير شي حركة نزل عليه كاو.أنا دابا فحالة تأهب كامل...(كتفرج بزاف خخخ). حل واحد اكوفر عندو تما...هز شي وراق؛معرفت ديال أش ولكن فيهوم شي تنابر و كاشيات كتار! عييت منبحلق فعيني واتقول واش قشعت شي حاجة. جا و كلس فالكرسي لي قدامي:هادو أبنتي أوراق الملكية ديال هاد الدار. ..هوما دابا ديالك! وقف وانا مدهوشة:شش...شششنو...كيفا. ...ش. سي محسن : كلسي ابنتي...بغيتك تخلي عندك هاد لوراق و متوريهم تا لحد...حتا نموت إنشاء الله! إكرام : ولكن علاش. ..و ولدك...فخبارو؟ سي محسن : ولدي عندو أملاكو أنا قسمت هادشي من نهار قررت نقلب عليك...ة...دابا لقيتك...هادشي من حقك. إكرام بدهشة : كيفاش حقي...انا حتا مكنعرفكش..؟! سي محسن : ولكن...انا كنعرف...نتي...نتي.. مكملهاش وطاح مغما عليه ؛معرفت ماندير نغوت ولا ندب ولا نفرح حيت عطاني دار تسوى لملاين...بقيت نغوت :كريم كريم عتقني ...باك ...وا عتقونيييي! حنا دابا فلكنينيك؛معرفتش علاش داك ولدو من الصباح وهو يدور و يخنزر فيا...وا فهمنا ما حاملنييش ولكن لاش كيخنزر...دبا ن... خليوني ساكتا!
مصدر القصة صفحة " قصتي كوم "
ليست هناك تعليقات