قصة حاقدة على الوضعية | الجزء 8 | قصص واقعية
"حاقدة على الوضعية"
الجزء 1
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
عييت بلوقيف؛ 6 سوايع وهو فالعمليات؛ ماعرفتش أشواقع ... السيد كان صح سلام. خرج الطبيب؛ أخيرا تا طابو رجلي.. يالاه بغيت نسولو بيما دفعني داك المفرعن ديال ولدو و جر عندو الطبيب...بحالا مابغانيش نسمعو شنو كيقوليه! بعدو شوية و بداة كيهضرو...من ملامح كريم بانتليا القضية حامضة و السيد كيودع! مشا الطبيب و ماسمعت والو...جا كلس فالكرسي لي حدايا؛قربت حداه ...بغيت نسولو ! يالاه دويت باقي مكملت قمعني:بعدي مني ماباغيش نسمع صوتك...تتي السباب! شكايخربق هادا...كيفا انا السباب...مريض ولا مالو! إكرام : كيفاش...مالي يانا لي مرضتو؟ كريم وهو مكور يدو و مقرب ليا؛حسيت بقليي كيضرب...بشي حاجة غريبة أول مرة نحسها...بقا يقرب وانا رجع لور...يقؤي ورجع لور تا حبسني الحيط لي مورايا...غمضت عيني و الخوف متملكني...أول مرة نخاف من جنس الرجال. ..أول مرة منقدرش نجاوب...ندافع...نغوت... ضرب بيدو لي مكورة فالحيط و قال بأعلى صوتو :حيت نتي...نتي بنت خوه... محسيتش براسي إلا وانا طايحة فدراعو؛آخر حاجة سمعت..صوتو وهو كينادي عليا و يغوت على الطبيب يجي...ياه شحال صحيح...أنا با وماقد يهزني ههه. فقت؛شهادشي معلقين ليا فيدي؟وا كيسرقو ليا الدم ولاد لحرام. ...الشفارة أعباد الله عتقوني كيصفيوني وا عقعووق! دخل و مخلوع...وجهو صفر: مالكي. ...إمتى فقتي؟ إكرام : نتا لي فلتبها ليهوم ياك المجرم؟ كريم : أش قلت لبهوم....واش تصطيتي؟ إكرام : لامتصطيتش ...بغيتي تصفيها ليا...لاش معلقين ليا هادشي كتسرقو ليا الدم ياك؟ ماعرفت مالو كيضحك...هاد خاينا وشحال عايق...قرب لحدايا ؛ هز إيديه وضرب ليا راسي :نتي هاد الراس اشعندك فيه غا قوليليا واش نتي من هاد الكوكب ولا غا مجليا؟؟ إكرام وهي دافعا ليه إيديه:حيد إيديك...وقوليهوم يحيدو ليا هادشي ولا غانجمع عليكوم أمة محمد هنايا. شاف فيت.وهو كيضرب فيديه (زعما لا حول ولا قوة الا بالله): واش معرفتيش شنو هادا...وا هادا السيروم الغبية...هوا باش كيعطيوك مقويات باش تنوضي... إكرام : غبية؟جمع فمك أسي.. عاد تفكراتشنو قال ليها قبل متسخف؛إكرام كتفتف:د..ددبا...نتا...زعما..حنا...بينقول أنا..بنت عمك؟ كريم : اه...مع الأسف! إكرام : كيفاش معا الأسف. ..مالك ميجاتك...قولها وعمر بيها فمك...مد ربك نلي عندك علاقة نسب معايا. ..أنا لي خصني ندب سعدي على ولد عم بحالك...حاس براسو. كريم وهو مفيكسي عينيه فعينيها:شنو...حاس براسو؟ ؟ إكرام : اه...محسوس ومتكبر. كريم بتكبر:إيوا لي عندو علاش ماشي بحالك... هادا مالو سكت؛لا غا كمل قولها قول لا زين لا مجي بكري... كلعت داك السيروم و خرجت فحالي،مافهمت والو...فين كان هاد عمي وعلاش عمر با ماهدر لينا عليه...كيفاش لقاني وعلاش باغي يعطيني أملاكو...غادى و كنتكا على الحيط...حاسة بالدوخة...كنسمع شي واحد كيعيط ليا من اللور ولكن ماقاداش ندور! فقدت التوازنو طحا للأرض؛ حاولت نوض ماقديتش...الصدمات اليوم جاوني تابعين...تفكرت مي خصني نمشي نشوفها ؛نسولها...هيا لي غادا تجاوبني! نضت وانا كنعلق فالحيط...وقف عليا كي شي جادارمي..واش هاد بنادم مكايتقتداش...فيما نمشي لقاه! مد يدو يعاوني نوقف...ماديتهاش فيه...شكايصحابلو راسو وزير قندهار ....كولنا ولاد 9 شهور...لاش كاع حاس بمخو...اوا صافي! ..... مصدر القصة صفحة " قصتي كوم " ....تكيت على جنبي و وقفت وانا كنتلاوح بين الحيطان! وقفني وبصوت حاد خاطبني:إكرام! ناري وقف قلبي...معرفتش علاش ولكن هاد خونا كيخلعني ! كملت مشيتي بلا مندور،جيت نهبط الدروج وانا نزلق (تفو معكسة من كل جيه)، يالاه كنت غانصلي بيما شدني من يدي بالجهد وهو كيخاصم:ماكفاكش خرجتي بلا ميشوفك الطبيب و محيدا السيروم ودابا زايداها بعنادك الخاوي...فين باغا توصلي فين! وافين باغا نوصل راك نتا دوي وانا سارحة ...دوختيني الله إلقيها ليك ...ملقيتي يمتى تجي غا دابا تا نبقيت حاملة حس الرجال...أودي كلشي زين كيف.كيقولو خايب غا والو.
مصدر القصة صفحة " قصتي كوم "
ليست هناك تعليقات