قصة هدوء ما قبل العاصفة : قصتي كوم 6

الكاتبة : حنان جميل 

 قصة هدوء ما قبل العاصفة : قصتي كوم

الجزء 51

جمعات جودي ملابس قليلة اماامير فكان فرحان حيت عمرو شاف روسيا اما يوسف فكان خايف علا الرئيس ماشي علا ختو حيت عارفها غادي تقلب عليه الدنيا لان التهديد مكضعفهاش بلعكس كخليها تحول لدئب بشري 
''''''''''' فالمطار '''''''
جودي لابسا سروال عسكري و تشورت زيتي كاط قهوي لكيت فودنيها و ايديها فجيوبها شعرها مجموع يطريقة عشوائية عطاتها واحد السحر خاص رغم لباسها لبعيد عن الانوتة كتبان اجمل و اجمل متقدمة لطاشرة رفقة يوسف و امير اما رجالها ف مراقبين من بعيد دون لفت الانضار ديما فالحماية ديالها 
طلعات جودي للطائرة خدات المقعد ديالها يلا مبالاة كتسنط لموسيقا هادئة نوعا ما مرت ساعات من السفر وصلو لروسيا
امير كان معجب بزاف بهاد البلاد جودي و يوسف كانو كتقنو الروسية لهدا ماكان عندهم حتا مشكلة 
كانو رجالهم جهزو ليهم بيت بعيد علا الانضار قريب من واحد الغابة كان هدا طلب جودي اللي ولات كتموت علا شي حاجا سميتها العزلة و الهدوء 
قدام المطار وصلاتها سيارة ليها و ليوسف ركب امير معا جودي و نطقو غسباق هي و وياه 
امير = جودي نقصي السرعة 
جودي لا رد و زادت فالسرعة حتا ولات طريق ماكتبانش و فلمح البصر وصلو
دخل امير و يوسف اتسترراحو اما جودي فبدلات حوايجها لملابس رياضية و خرجات كتجري فالغابة كان شكلها مخيف و لكن هي متسوقات لوالو و بقات غادا كتجري بكل جهدها بلا ماتمل او تعيا كتفكر فاللي داز عليها كامل و هي كتجري عقلها كفكر فالماضي و الحاضر و المستقبل و فيوسف اللي باقي ماقدرش اعترف ليها باللي هي ختو 
اكيد الكل متفاجا كيفاش عرفات و لكن كاتبقا البوس قدرات تكتشف من خلال مدكراتو اللي طاحت بين ايديها و لكن كاتسنا فيه انطق بقات لمدة قلاتة الساعات عاد رجعات كان طاح ضلام دخلات تعشات معاهم

 قصة هدوء ما قبل العاصفة : قصتي كوم

الجزء 52

'''''''''''' نمشيو عند سيف اللي غبرنا عليه بزاف''''''''''''''
استريلا ( ففراش واحد معا سيف و مغطيين بايزار واحد و فهموها من ريوسكم كانو كديرو احم احم ) = حبيبي والك مقلق 
سيف( مقلق ) =مطلوب مني هاد الايام نحمي ابن احد الرؤساء حيت كتلقا تهديدات بقاو ليا غي البراهش نقابلهم ( را مكيناش كلمة براهش فالروسية غي كتعدي و صافي ههههه و ملقيتش شي حاجا معبرة كتر ) 
استريلا ( كتلعب ليه فصدرو ) = نتا ماشي مجبور 
سيف = لا هاد المرة مجبور حيت الاوامر من جهات عليا 
استريلا = نتا عارف ما تختاريتي حتا عارفينك نتا اكفا شخص لهاد المهمة 
سيف ( وقف كلبس فسروالو ) = وي يلا خاصني نمشي لداري 
استريلا ( كتبعكك عليه ) = خليك ا حبيبي معايا هاد الليلة 
سيف = منقدرش اصلا غدا خاصني نمشي نشوف هاد القضية اللي وحلت فيها 
استريلا ( وقفت و قبلاتو ) =اوكي حبيبي غدا فالليل نتلقاو 
سيف ( بلا مبالاة ) = اوكي ( و خرج )
''''''''''' صباح جديد ''''''''''
جودي وجدات راسها و مشات لقصر الرئيس دخلات موجدة سلاحها و معاها رجالها تقدمات للباب دخلات بلا ادن و خلات رجالها اتكلفو بالبقية وصلات للمكتب كانت دايرا كسكيط كحلة فتحات بلا ادن 
الرئيس = انسة جودي مرحبا بيك عندنا 
جودي = ندخلو للموضوع مباشرة كفاش تجراتي تهددني 
الرئيس = مجبور زيادة علا دلك حياة ولدي فخطر غي نتي و العقيد الاول اللي تقدرو تحميوه 
جودي ( ابتسامة استهزاء ) = لا صافي كملات باغيني ندير ايدي فايد الشرطة اللي قالبا عليا العالم باش تلقاني و تقدر توريني هاد المستندات اللي كتبت شكون انا 
الرئيس = هاد المستندات مستاعد نحرقهم مقابل حماية ولدي ( وقف باغي يجبدهم و لكن الصدمة انهم ماكاينينش )
جودي = هادو علاش كتقلب 
شافهم و ملامح الصدمة علا وجهو عطاتو جودي بضهر و شابكات ايديها ورا ضهرها مع ابتسامة جانبية كتبين مدى قوتها و جبروتها 
جودي = عمرك تحاول تهدد البوس انا الكل فالكل كنت نقدر نمحيك من الوجود و لكن عتابرو درس و دابا بسلامة و بلا ماتحاول تلعب بديلك ورايا 
الرئيس= انا مستاعد نعطيك اللي بغيتي مقابل هاد الخدمة املي فيك نتي و العقيدد تحمو ليا اخر حاجا بقات من المرحومة مراتي 
جودي ( دارت بفصول ) = شكون هاد العقيد الاول اللي قادر انه يكون فنفس مرتبتي و قوتي 
الرئيس = العقيد الاول سيف الدين الفارسي الملقب بالوحش صاحب القلب الميت فمدة سنة و نصف حاز علا بزاف ديال المدليات فروسيا الموت عندو هين ضربتو قاضية قضا عللا اربعين عصابة روسية 
جودي ( يصدمة ) = واش هو من اصول مغربية 
الرئيس = ويي

الاميرات الا قدرت غا نزيد جزء هاد الليلة و الا مقدرتش موعدنا غدا وعد مني حيت درني كتفي

 قصة هدوء ما قبل العاصفة : قصتي كوم

الجزء 53

كانت الصدمة قوية علا جودي 
جودي = اوكي موافقا واش غنتكلفو بحمايتو بجوجفوقت واحد 
الرئيس ( بفرحة ) = اه و دابا شويا غيجي العقيد سيف 
جودي = اوكي نحن فالانتضار مشات جودي جلسات فالوقت اللي الرئيس نزل باش انتضر سيف 
هنا جودي بدات كتفكر فكفاش سيف تخلا عليها فالرقت اللي كانت فيه فغيبوبة و مقدرش تضحياتها اللي دارت علا قبلو بدا كبان فعينيها واحدالبريق ديال الشر و التوعد بالانتقام و كانت عادءا نقدرو نسميوه هدوء ما قبل العاصفة بين هاد جوج 
'''''''''''''''''''''' عند سيف ''''''''''''''''''''''''''
الرئيس = غاتكلفو نتا و واحد الشخص بحماية ولدي
سيف ( بعصبية ) =مانقبلش انا شحص باين اقل خبرة و قوة عليا اكون شريكي 
الرئيس = كانواعدك ماغاتندمش غاتافقو نتاا وياه
سيف = اوكي نقدر نعرف شكون هو 
الرئيس = وي تفضل معايا للمكتب راه تما 
تقدمو نحو للمكتب كانت جودي عاطيا بضهر للباب سمعات الباب تحل نفس العطر اللي كانت ديما كتميز بيه حبيب قلبها اللي تحول لعدو لدود دارت ببطئ بابتسامة جانبية و عيون مليئة بالعتاب و الكره و الحنين للماضي اما سيف فكان كحس ياحساس غريب و كحس بالليي شي حاجا كتحدبو لهاد الانتى اللي عاطياه بضهر و فنفس الوقت متفاجا من معاملة الوئيس المختالفة لهاد الانسانة كانها تقوى علا نزع قلبه من اضلعه دون تردد 
اول ما تقابلات معاه تصدم صدمة عمرو الانسانة اللي شحال قلب عليها واقفا حداه و اللي حطمات قلبو و غرور كتشوف فيه بابتسامة و كانها لا نعرفه و لم تتسبب في ضماره قبلا ( هدا اللي كيضنو هو اما الحقيقة فمخالفة ) 
الرئيس = انسة جودي كنعرفك علا السي سيف السي سيف كانعرفك علا 
سيف ( قاطعو ) = البوس مدمر العالم 
الرئيس ( بصدمة ) = كاتعرف الهوية الحقيقية ديالها
جودي ( بابتسامة استهزاء ) = ويي معرفة قديمة سيادة الرئيس 
سيف ( بابتسامة ماكرة ) = و كيفما قالت معرفة قديمة
الرئيس = احسن وفرتو عليا عناء تعريفكم ببعض و دابا نحليكم تفاهنو 
لعد خروجو 
سيف = اوو انسة جودي جيتي تال بين اديا ليوم 
جودي ( بنفس الابتسامة الجانبية و اللا مبالاة ) =نتا اللي جيتي للجحيم سيادة العقيد و مبروك الترقية 
سيف ( بكره ) =شريكتي باليا غانتسللاو فهاد المدة 
جودي = وي بالضبك نتلقاو من بعد 
تمات خارجا وقربات حداه ولاو فنفس الجط و لكن تجاهين معاكسين قربات لودنو و همسات 
جودي = اهلا بك في متاهمي يا محطم قلبي 
خرجات و دارت نضاراتها السود بكل تقة و تقدمات نحو باب القصر فالوقت اللي خلات وراها بركان من الاحاسيس كيتغرب من كرها ليه و توعدها ليه بالانتقام رغم انو هو اللي خاصو انتاقم

 قصة هدوء ما قبل العاصفة : قصتي كوم

الجزء 54

جودي بعد ما وصلات لدار فتحات لباب لاحت سوارت فوق واحد الميدة و جلسات فوق الاريكة مرجعا راسها للوراء و كضغط علا عينيها بكفوف اديها كانها كتخفف عليهم الالم يوسف كان واقف ورا الباب كشوف فيها و حاس باللي واقعا ليها شي حاجا ا 
جودي ( باقا علا نفس الحال ) = غي دخل ا يوسف 
يوسف ( دخل و جلس و هو مستغرب ) =كفاش عرفتيني قريب و كانراقبك 
جودي ( بدون اي تغيير فوضعيتها ) = عطرك من العطور اللي وليت كنميزها مزيان 
يوسف = و لكن علاش نتي واضعا اديك علا عيونك 
جودي لا جواب ستمر الصمت للحضات حتا نطقات 
جودي = كنت قلت ليك قبل ما يتبناوني عائلة امير كنت فاقدا الداكرة 
يوسف = وي و قلتي ليا باللي ماكدكريش عائلتك الحقيقية 
جودي = و لكن دابا تفكرت كلشي 
يوسف ( بصدمة و فرحة و حتا الخوف حتا ولات دقات قلبو مرتفعة ) = و شنو تفكرتي 
جودي = كانت عندي عائلة ام و اب و حتا اخ كبر مني كنا عائلة سعيدة و كانت علاقتي بخويا لكبير قوية بزاف لدرجة كان كعتبرني بنتو كتر ما انا ختو كان بابا كبغي ماما بزاف كنا عائلة بسيطة و لكن سعيدة و لكن نهار الحادث اللي قلب حياتنا معاقلا علا والو 
و لكن الحاجا اللي مانقدرش نساها هي واحد المقولة حفضها ليا خويا 
'' معا و الى الابد 
نسير في دروب الحياة 
طريقنا ملاتها الاشواك 
قلوبنا متحدة يملؤها الحنين 
يوسف دمعتو علا طرف عينو شحال و هو كتسنا اللحضة اللي يجتمع فيهاا معا ختو 
جودي و يوسف يصوت واحد = ربما نبتعد بالمسافات 
لكن قلوبنا متحدة طريقنا طريق الشمس 
روحنا واحدة بجسدين 
تمر الايام و السنين و يبقا الحب بيننا 
يجمعنا القضاء و يفرقنا القدر 
نحارب لحبنا و اخوتنا 
نحن ابطال فصول روايتنا و سنستمر يدا واحدة 
سلاو مقولتهم و ستمر الصمت للحضات كانت قاتلة يوسف دموعو غلبوه رغم انهو لمدة سنوات ما درف حتا دمعة قدام اي واحد كحافض ديما علا قناع القوة و الصرامة ما لقا مايقول او باش ابرر اخفاؤو للحقيقة اما جودي باقا بنفس الحال اللي كانت عليه ايديها علا هينيها و متكية علا الاريكة ستمر الصمت للحضات حتا نطقات 
جودي = علاش 
يوسف ( بصوت مبحوح ) = شنو اللي علاش

 قصة هدوء ما قبل العاصفة : قصتي كوم

الجزء 55

جودي = علاش خبيتي 
يوسف = معندي حتا مبرر 
جودي ( باستهزاء ) = مستعدة نسمع اي عدر و نتقبلو 
يوسف = اعداري كلها واهية 
جودي ( حيدات يديها علا عيونها ) = كلكم غدارين 
يوسف ( خاف من منضر عيونها اللي حمرين للاخر كانهم عيون دئب ) = انا انا 
جودي = كنتي ديما كتشوفني مضمرا و خاصني اللي يشد بيدي شي واحد قريب ليا و لكن نتا كنتي كتكتفي انك تواسيني من بعيد لبعيد كانك غريب 
يوسف كتفا بدموعو اللي نازلين ماقدرش ادوي حيت عارف انه غالط 
وقفات جودي و تقدمات نحو بيتها حتا جرها يوسف من يديها و عنقها و هو كبكي 
يوسف = انا كنت معاك ديما و لكن هوما فرقوني عليك و لكن من نهار لقيتك و انا معاك فكل لحضة فكل خطوة كنت كانراقبك و نعاونك بلا ماتعرفي عمري خليت شي واحد ياديك و حتا نهار دخلتي فغيبوبة بقيت حداك ديما كنت كل نهار كنعتني بيك ماكنفارقش و باقي متوعد لداك سيف بالعداب حيت حرمني منك لمدة عام و شهرين و انا كنتعدب كلما كنشوفك جسد بلا روح 
جودي كتافات انها تعنقو بكل جهدها و تبكي فحضنو 
يوسف = واش تقدري تسامحي ليا 
جودي = انا ديما مسامحاك 
امير كان كراقبهم من ورا الباب و متاتر بزاف حتا دخل عندهم 
امير = و انا نسيتونا 
فتحو ليه دراعهم و دارو عناق تلاتي 
امير = اجيو بعدا ماناويينش تخرجوني نشوف روسيا
جودي = ههههه اوكي نخرجو هاد نهار حيت غدا مامسالياش 
يوسف = علاش اش عندك 
جودي = قبلت عرض الرئيس 
يوسف = كييفاش ياك كنتي رافضا و ناريا تخربيها عليه 
جودي ( بلا مبالاة ) = و دابا بدلت رايي 
يوسف = كتقتليني بهاد البرود ديالك
جودي بلا مبالاة مشات تبددل عليها 
خرجو داك نهار و ساراو امير و فنفس الوقت كانت اعين سيف كاتراقبهم 

 قصة هدوء ما قبل العاصفة : قصتي كوم

الجزء 56

يوم جديد اول يوم فالمهمة ديال سيف و جودي سيف فاق بين احضان استريلا بحال ديما وجد سلاحو و نطلق للقصر اما جودي فكلفات شي رجال ابحتو ليها علا حياة سيف فهاد المدة اللي كان فيها فروسيا عاد لبسات حوايجها اللي خلاوها تبان غاية فالجمال و نطلقات حتا هي للقصر بعد ما وصلات وجهوها لغرفة الشحص المكلفين بحمايتو 
مجرد وصلات لباب لغرفة سمعات لغوات و تهراس تقدمات و فتحات لباب 
كان شاب عندو حوالي19 سنة ملامحو زوينة كيهرس اللي جات قدامو و الرئيس اللي هو الاب ديالو كحاول اهدنو اما سيف متراجع للوراء كلعب بالتيلي ديالو بلا مبالاة 
الشاب ( ستيفن ) = انا ممحتاجش للحماية و لا حتا للحراس الشخصيين
الرئيس = حنا مجبورين ماكتشوفش التهديدات اللي كنتلقاوهم كل مرة 
جودي سولات سيف = اش وقع هنا 
سيف ( باستهزاء ) = و انا مالي كتسولي فيا 
جودي ( بملامح ممحية ) = واقيلا را حنا مكلفين بالحماية ديالو 
سيف = هممم ( مع ابتسامة جانبية و باقي ملهي مع التيلي ) هادشي اللي بقا ليا نحمي برهوش 
جودي = لا حول و لا قوة الا بالله 
و تقدمات ناحية ستيفن اللي مابغاش اتهدن
ستيفن ( كوجه ايدو ناحيتها بتهديد ) = واياك تقربي ناحيتي 
اكيد كتقولو كفاش قدر اهددها ههه هادشي اللي كيضن هو حيت كيمتاز ببنية عضلية قوية اما هي بعتبارها بنت فكتبان ضعيفة قدامو و لكن هو ماعارفش اش كتسناه الا عصبها 
جودي = سيادة الرئيس عافاك خلينا وحدنا معاه 
الرئيس = و لكن 
جودي = يا اما تخلينا بوحدنا معاه و لا غا نمشي بلا مانرجع 
ستيفن = سيري شكون منعك ( موجه هدرتو لباه ) هههه بابا هادي هي اللي باغيها تحميني نقدر بضربة وحدا نقتلها 
الرئيس ( بعصبية ) = نتا تسكت 
جودي ( بابتسامة صفرا ) = من الاحسن ليك تتهدن ( خنزرات فيه ) ولا ماغايعجبك حال 
اما سيف كان مربع ايديه و كراقب غي من بعيد مع ابتسامة استهزاء 
خرج الرئيس و خلاهم منهم ليه 
ستيفن ( بدا كزف باي حاجا جات لين ايديه علا جودي ) = خرجي عليا من بيتي 
جودي مانتابهاتش لواحد لكاس اللي ضربها لجبهتها و جرحها بدات كتغلي بالعصبية
سيف ( تخلع و توجه لعندها ) = واش نتي بيخير ( وجه كلامو لستيفن ) واش نتا مسطي و لا مالك 
ستيفن = اوووبس هدف خاطئ
جودي ( عصبها ) = ومازال كدوي 
تنترات من ايدين سيف و تمات غاديا لجيهتو = انا نوريك هدف خاطئ غا صبر 
ستيفن ( دور عينيه يمين و شمال بانت ليه القضية حامضا و تفكر اش عاودو ليه علا لبوس هو يعرف الغلط اللي دار و لكنن كان باقي عند رايو باللي بنت ما عندها ما دير ليه ) = اش فجهدك ما ديري 
جودي = انا نوريك اش فجهدي 
مشات كتجري ناحيتو بغات ضربو لكرشو ولكن طاكاها بايدو 
ستيفن = هههه هادا مافجهدك 
فلوقت اللي كايستهزا ضرباتو لصدرو حتا رجع للوراء تبعتها بصرعة ضربة لرجلو الشيء اللي فقدو توازنو و طاح للارض بغا يوقف و لكن هي لوات ليه ايديه مابقاش قاد اتحرك حيت حكماتو مزيان اما سيف كيدرس خطواتها وحدة بوحدة باش كعرف نقاط القوة ديالها و نقاط ضعفها

 قصة هدوء ما قبل العاصفة : قصتي كوم

الجزء 57

جودي = احم احم دابا شنو نقولو 
ستيفن = بكل بساطة غشاشة 
جودي بدات كتجر ليه شعرو بايد و حاكماه باليد الاخرى = ولايني راك ماكاتحشمش 
ستيفن = اي اي شعري فخبارك هاداك شعر شحال كنخسر عليه باش ابقى قوي و ميتاترش بالعوامل الخارجية 
جودي = شنهوا عشنا و شفنا دراري كعتنو بشعرهم كتر منا حنا لبنات
سيف ماقدرش احبس الضحكة و بدا كضحك 
جودي و ستيفن دارو عندو مرة وحدا كخنزرو و هضرو مرة وحدا = سكت نتا 
سيف ( مزال كضحك ) =هههه بعدا تافقتو علا حاجا وحدا من قبيلا و نتوما كيف المش معا لفار 
ستيفن ( موجه هضرتو لجودي ) =الاخت الاخت بس بس 
جودي ( دارت عندو مخنزرة ) = اش بغيتي 
ستيفن ( كشير لايدو ) = طلقي ليا من ايدي راك كضريني 
جودي = لاا و لكن الا بغيتي بشرط 
ستيفن ( بابتسامة صفرا ) = اش حب الخاطر 
جودي = اولا تعامل مزيان تانيا تقبل لحماية اللي غنوفرو ليك تالتا تسمع لهضرا و هاد لموقف مايتعاودش مرا خرا 
ستيفن ( ابتسامة صفرا ) = شي حاجا خرا 
جودي = لا 
ستيفن = اوكي يلا طلقي 
جودي طلقاتو ناض وقف 
ستيفن = مسعورا 
جودي بغات تمشي ليه ولكن حبسها سيف 
سيف ( و هو مخنزر ) = من نيتك دايرا فيه عقلك 
جودي = ماسوقكش كاتفهم 
اما ستيفن غي وااقف و مافاهم والو حيت ماكايعرفش لدارجة 
سيف ( موجه هدرتو لستيفن بجدية كبيرة ) = سي ستيفن نتمنا هاد المدة اللي غانحرسوك فيها تمر بسلامة و تسمع لهدرة حيت ماغانرحمكش علا اي غلط 
سيف كدوي معا ستيفن اللي خاف منو ولا غي حادرر راسو اما جودي ساهيا فحب حياتها و كيفاش كدوي و حتا لملامحو اللي زادتو رجولة و لا بشخصية اقوى من الاول و لكن بمجرد تفكرات اش دار فيها باللي تخلا عليها ففترة كانت هي فاتمس الحاجة ليه كتقلب و كترجع ليها فكرة تعديبو 
وقفات جودي و وجهات كلامها ليه = المهم غايولي عندك واخد لبرنامج غتابعو من الان فصاعدا

 قصة هدوء ما قبل العاصفة : قصتي كوم

الجزء 58

ستيفن = اما هو 
سييف = غايبدا التدريب ديالك من اليوم علا االدفاع عن النفس 
ستيفن = و لكن انا مدرب علا هادشي 
جودي = من خلال الطريقة باش حاولتي قبيلا نتا باقي مبتدا 
سيف = حنا مغنركزوش غي علا حمايتك انما حتا علا مهاراتك القتالية 
جودي = زيادة علا دلك من اليوم ماكاينش لخروج الا ادا رافقك واحد فينا
سيف = كل حركة كديرها و لا خطوة غانكونو معاك 
ستيفن = بفففف و لحبس هادا 
سيف ( ضرب علا الطبلة اللي حداه و غوت حتا تخلعو بجوج ) = باراكا من هاد تبرهيش عندك زهر حييت صابر عليك حتال دابا اوا فيدنا بسكوتك 
جودي ( كتحاول تهدن الوضع ) = ستيفن هادشي راه غير لمصلاحتك كل مرة كوصلو تهديدات لباك من غير انك تعرضتي لمحاولة قتل من قبل 
ستيفن = اوكي اوكي اللي بغيتي 
سيف = عطيني التيلي ديالك 
ستيفن = علاش 
سيف = فيك الاسئلة بزاف عطيتي و سكت 
عطاه التيلي ديالو حمل فيه سيف نضام المرقبة و عطاه ليه 
جودي = اه و لمعلوماتك حنا غانبقاو معاك هنا فلقصر 
سيف = وجد راسك فالعشية عندك تدريب
خرجات جودي و سيف من عندو و كل واحد فيهم خدا غرفة اللي خصصو ليه 
كانت لجودي غرفة فالاحمر و الاسود اما سيف فغرفتو كاملا فالاسود و الابيض الالوان المفضلة عند كل واحد فيهم هدا كان من تنضيم الرئيس باش اكونو مرتاحين
من بعد وجبة الغداء 
طلع سيف لبس عليه سرفيت زرقا اما جودي لبسات كلون اسود معا دباردور قصير كوصل للسرة و هو لباس رياضي اما ستيفن فلبس سروال سرفيت و تشورت بيض خرجو و تلقاو عند لباب ديال غرفهم

 قصة هدوء ما قبل العاصفة : قصتي كوم

الجزء 59

ستيفن ( بنضرات اعجاب لجودي و صفر ) = من غير محاربة قوية راكي ثرطاسة بما تحمل لكلمة من معاني 
جودي = راك بديتي كضسر ياك غا قبيلا ماكنتيش حاملني
ستيفن = بعد مناقشة طويلة معا عقلي و ضميري و تفكيرا في مستقبلي و عضيماتي اللدين اخاف عليهم من التكسير قررت اعلان هدنة 
جودي = الله استر 
ستيفن = اميين و لكن بلا ماتبقاي تقوليها حيت راني مسيحي 
جودي = اوكي 
سيف ( كخنزر فجودي بسباب لبسها رغم انه كحاول اوهم راسو بالكره الا ان الغيرة ديالو عليها باقا مسيطرة عليه ) = زيدو و سكتونا 
جودي ( بقا فيها لحال و بدات كدوي معا نفسها و دمعتها علا طرف عيونها = علاش كتعامل معايا هاكا واش لهاد الدرجة كنت مخدوعة فيك ا سيف و فحبك ) = اوكي 
مشاو فاللوطو ديال سيف هو اللي كان سايق حتا وصلو لمكان مهجور 
ستيفن = اش كنديرو هنا
سيف = كترات فيك الهضرة نزل و سكت 
من بعد ما نزلو 
جودي = ليوم انا غانتكلف بيك غي فالتسخينات و التدريب 
سيف = و انا ليوم غا نتكلف بتعليمك حركات للهجوم و الدفاع 
جودي ( تقدمات نحو ورشة كبيرة مهجورة ) = يلا تبعني 
دخلو لديك الورشة كانت كبيييييييرة علا حد العين عامرا غبرة و تراب كتبان بحال مكان للتدريب 
ستيفن ( ككح من الغبرة ) = كح كح كون قلتوها نديكم لاحسن نادي فهاد لبلاد 
جودي = ستيييفن باراكا من لفشوش تما غاتكون فخطر 
ستيفن = اوكي غي تهدني 
جودي = اول حاجا غانبداو بتراكسيون 
ستيفن = شناهوا 
جودي = يلاه بدا غانكونو انا وياك فوقت واحد ممنوع تحبس قبل مني 
بداو و سيف غي كيراقب فيهم جودي كانت كاتبان عليها الصرامة بقاو عكاك لمدة ساعة حتا طاح ستيفن 
ستيفن ( كنهج ) = لا صافي انا عييت 
جودي ( وقفات و وجهها خال من التعابير ) = بما انك عصيتي امري و حبستي غاضرب 70 دورة علا هاد الورشة

 قصة هدوء ما قبل العاصفة : قصتي كوم

الجزء 60

ستيفن = لا لا نتي باغا تقتليني 
جودي ( بلا مبالاة هزات لكرونو ) = غانحسب من هنا لتلاتة نلقاك بديتي و الا ماغايعجبك حال 1 2
هنا نطالق سنيفن ما سالا حتا كان غايحماق 
ستيفن ( كنهج مابقاش قاد ادوي ) = ب بغي بغيت لما 
مد ليه سيف لما بلا حتا كلما 
ستيفن = كنت خايف من هاد الوحش فالتدريب صدقتي نتي كتر منو 
جودي = فالعمل كانكون جدية الضحك و تفلية خلناهم فالقصر 
سيف = ليوما غانعفيك من تداريبي حيت ماخاصناش نضغطو عليك 
ستيفن = انحني امام تواضعك و تفهمك بعدا راك حسن من هاد اللفعة
جودي = تشد فمك و لا نجي نهرس خويا 
ستيفن = لا لا صافي غي كنت ضاحك الاخت 
رجعو للقصر تعشاو فصمت من بعد كل واحد مشا لبيتو 
سيف ماقدرش اجيه نعاش لدا قرر امشي لبيت جودي فتح لباب بشويا لقاها غارقا فنعاسها و لكن اللي هو ماعارفوش ان نعاسها خفيف دغيا كاتفيق 
قرب منها و بدا كلمس فشعرها بكل حنية وخا ماكان كبان والو فضلام فلحضة هزاتو جودي وخبطاتو للارض و جلسات فوق الارض 
سيف = اديك المتوحشة اش كديري طلقي مني 
جودي ( عاقدا حجبانها ) = هادا نتا اش كنتي كادير فبيتي و مكملها فنص ديال الليل 
سيف ( قدر اتفك منها و وقف كقاد حوايجو ) = ماجايش عندك حبا فيك 
جودي ( جمعات ايديها ) = اوا لاش جاش اسيدي
سيف تلف ما عرف ما يقول بدا كقرب منها بشوي بشوي و هيا كيف ديما كتوتر من قريو و كبدا قلبها كضرب بقوة 
سيف ( بعد منها باستهزاء ) = ههه باقا نتي هي نتي كل ما كنقرب ليك كتوتري ( قرب حدا ودنها و همس ) و لكن كاتبقاي مجرد غدارا
جودي ( تعصبات ) = ماكاينش لغدار من غيرك و لا نسيتي اش درتي 
سيف = هههههه علا لمسكينة دغيا بغيتي ترديني انا لغالط '' دربني و بكا صبقني و شكا هدي هي قديتك نتي ياك '' ما بقيتش كانتيق لا فيك و لا فكدوبك كنكرهك من كل قلبي ..... ....... يتبع من هنا